Respublika maxsus komissiyasi tomonidan so‘nggi kunlarda yurtimizda koronavirus infeksiyasi bilan kasallanish holati kamayayotganligi yuzasidan qaror qabul qilindi. Unga ko‘ra, 2022-yil 7-fevraldan boshlab oliy va professional ta’lim muassasalari, akademik litseylar hamda nodavlat ta’lim tashkilotlarida o‘quv jarayoni an’anaviy shaklga o‘tkazilishi belgilandi.
2021/2022-o‘quv yilining 2-yarmi O‘zbekiston davlat jismoniy tarbiya va sport universitetida quyidagicha tashkil etiladi:
Bakalavr ta’lim yo‘nalishlarida:
1-2-kurslar: 2022-yil 7-fevraldan o‘quv mashg‘ulotlarini an’anaviy tarzda boshlashadi;
3-kurslar: 2022-yil 7-fevraldan Toshkent shahar va Toshkent viloyatlaridagi umumta’lim maktablarida “Pedagogik amaliyot”ni o‘taydi;
4-kurslar: 2022-yil 7-fevraldan doimiy yashash manzilidagi sport ta’lim muassasalarida “Bitiruv oldi amaliyoti”ni o‘tashadi.
Magistratura mutaxassisligida:
1-kurslar: 2022-yil 7-fevraldan o‘quv mashg‘ulotlarini an’anaviy tarzda boshlashadi;
2-kurslar: 2022-yil 7-fevraldan universitetda “Ilmiy amaliyot” ni o‘tashadi.