Axborot - resurs Markazi

    AXBOROT-RESURS MARKAZI

     Universitetda 9 ta bakalavriat va 8 ta magistratura mutaxassisliklari mavjud.  Hozirgi kunda universitetda 23 ta kafedra, shuningdek, magistratura, sirtqi va maxsus sirtqi boʻlimlar mavjud. Hozirda universitetning 2 ta filiali faoliyat yuritmoqda.  Universitetda jami 10256 nafar (davlat granti boʻyicha 1823 nafar, shartnoma boʻyicha 8433 nafar) talabalar tahsil olmoqda. Ularga 526 nafar professor-o‘qituvchilar (24 nafar professor, 4 nafar horijdan jalb etilgan mutahassis o‘qituvchi ) tomonidan dars o‘tib kelinmoqda.

     O’zbekiston davlat jismoniy tarbiya  va sport universiteti Axborot-resurs markazining fondi 49 578 nomda 222 962 nashr birligini tashkil qiladi. Shu jumladan: Ilmiy 23930 nusxada, O‘quv qo‘llanmalar 176690 nusxada, Badiy adabiyotlar  21067 nusxada. Boshqa adabiyotlar 1263 nusxada, elektron adabiyotlar 16252 ta, Brayl  adabiyotlar 12 ta . To’liq matnli ma’lumotlar bazasi mavjud.

    O’zbekiston davlat jismoniy tarbiya  va sport universiteti xorijiy ilmiy dasturlardan: Web of Science, Ebsco, UzNel, Diss.natlib.uz, ibs.natlib.uz, Press.natlib.uz bazalaridan cheksiz foydalanish imkoniyatiga ega.  Axborot-resurs markazida 3 ta o‘quv zali mavjud bo‘lib, o‘rindiqlar soni 130 tani tashkil etadi. Shundan: talabalar o‘quv zali 54 o‘ringa, professor-o‘qituvchilar o‘quv zali 16 o‘ringa, Madaniyat saroyidagi talabalar o’quv zali  60 o‘ringa mo‘ljallangan.

      Kafedralardan qatiy  nazar universitet foydalanuvchilariga yagona kitobxonlik guvohnomasi orqali abonoment xizmati ko’rsatiladi.
Bundan tashqari magistr disertatsiyalari bilan birga chet el adabiyotlari ham fondga jamlangan bo‘lib, undan doimiy ravishda magistrlar va talabalar foydalanib keladilar. Sohaga doir chet elda nashr etilgan jurnallar va gazetalardan foydalanish imkoiyati ham mavjud.

     Axborot-resurs markazi tuzilmasida 5 ta boʻlim mavjud boʻlib, ularda 15 nafar xodim ishlaydi: Ilmiy-uslubiy va axborot-ma’lumot boʻlimi; Axborot- kutubxona resurslarini butlash, kataloglashtirish va tizimlashtirish bo’limi; Axborot resurslari bilan xizmat ko’rsatish bo‘limi; Elektron axborot resurslari bo’limlari; Xorijiy axborot – kutubxona resurslari bilan ishlash bo’limi.
O’zbekiston davlat jismoniy tarbiya  va sport universiteti Axborot-resurs markazi eng yangi texnologiyalarni faol o‘zlashtirmoqda. Kutubxonada zamonaviy texnologiyaga asoslangan avtomatlashtirish tizimi joriy etildi, buning natijasida “IRBIS 64+” avtomatlashtirilgan kutubxona-axborot tizimida ish olib borish yo’lga qo’yildi.

     Bundan tashqari universitet xodimlari va talabalari yagona identifikatsiya kartalaridan foydalanish masalalari ham koʻrib chiqildi. Unda dolzarb masalalar bo‘yicha barcha ma’lumotlar, jumladan, hujjatlarni qaytarish muddatlari va ularga rioya etilishi ustidan nazorat o‘z aksini topadi. Bundan tashqari, nusxa koʻchirish apparatlari va CZUR skaneri oʻrnatilgan boʻlib, uning yordamida kutubxona foydalanuvchilari uchun zarur adabiyotlarni skanerlash va ularning elektron pochtasiga yoki USB, flesh-diskga yuborishi mumkin.

     Universiteti Axborot-resurs markazi universitetning axborot-ma’rifiy va madaniy markazi bo‘lib, sifatli ta’lim olish va yuqori malakali mutaxassislar tayyorlashga har tomonlama ko‘maklashadi; universitetning ta’lim dasturlariga mos keladigan kitob fondi va zamonaviy elektron resurslar bilan ta’minlaydi; fakultet va kafedralar bilan uzluksiz hamkorlik jarayonida: foydalanuvchilarning ehtiyojlarini o‘rganadi, axborot xizmatlarini ko‘rsatadi, muntazam ravishda yangi xaridlar ko‘rgazmalarini o‘tkazadi, shuningdek, shahar va respublikadagi boshqa oliy o‘quv yurtlari bilan hamkorlikni rivojlantiradi. Universitetning kundalik o‘quv va ilmiy jarayonida kutubxona o‘z foydalanuvchilari uchun maqbul sharoitlarni yaratishga intiladi. Kutubxonaning barcha faoliyati kitobxonning o’zini qulay his qilishiga, kerakli ma’lumotlarni olishiga, xodimlarning e’tiboriga va har bir tashrifdan ma’naviy qoniqishga qaratilgan.

Bo'lim boshlig'i: Nigmanova Malika Kuchkarovna

Qabul vaqti: Dushanba-Shanba ( 9 ⁰⁰ - 17 ⁰⁰ )

Telefon raqam: +998 97 401 26 77

Axborot-resurs markazining ijtimoiy tarmoq sahifalari

Instagram: https://www.instagram.com/library_uzdjtsu1/?utm_source=qr&r=nametag

Telegram: https://t.me/UzDJTS12345