🏆O‘zDJTSU kamondan otish sportini rivojlantirish bo‘yicha hamkorlik aloqalarini o‘rnatdi

#️⃣hamkorlik

🏹Bugun O‘zbekiston davlat jismoniy tarbiya va sport universitetida kamondan otish sport turini yanada rivojlantirish yuzasidan O‘zbekiston kamondan otish federatsiyasi Toshkent viloyat bo‘limi vakillari bilan uchrashuv bo‘lib o‘tdi. 

✔️Universitet rektori Rashid Matkarimov boshchiligidagi rahbariyat jamoasi ishtirok etgan ushbu uchrashuvda talabalarni jismonan sogʻlom qilib tarbiyalash, boʻsh vaqtini mazmunli oʻtishini tashkil etish, kamondan otish sporti inshootlarida shart-sharoitlar yaratish va sogʻligʻini mustahkamlashga koʻmaklashadigan aniq dasturlarni amaliyotga joriy etish hamda bu boradagi targʻibot-tashviqot ishlarini olib borish yuzasidan fikrlar bildirildi.

🤝Shundan so‘ng O‘zbekiston davlat jismoniy tarbiya va sport universiteti hamda O‘zbekiston kamondan otish federatsiyasi Toshkent viloyat bo‘limi o‘rtasida ilmiy-uslubiy va innovatsion texnologiyalar asosida kamondan otish sport turini yanada rivojlantirish va takomillashtirish bo‘yicha hamkorlik shartnomasi imzolandi.

🔼Yakunda mehmonlar universitet sport bazalari bilan tanishib, boks bo‘yicha xalqaro turnirning final bahslarini kuzatdi.