Bugalteriya

Buxgalteriya faoliyati

     Hisobxona universitet rektori va moliya-iqtisod ishlari bo‘yicha prorektorga bo‘ysunadi. Hisobxona moliyaviy-iqtisodiy masalalar bilan bog‘liq hisobotlarning haqqoniyligi va ularning topshirilishi uchun mas’ul va javobgar hisoblanadi. Hisobxona universitetning moliyaviy ahvoli, pul mablag‘larining maqsadli sarflanishi, ma’muriy-xo‘jalik bo‘limi bilan birga moddiy-texnika ta’minoti, moliyaviy-xo‘jalik faoliyati masalalarini tegishli tartibda muvofiqlashtirib boradi.

    Hisobxona reja-moliya bo‘limi bilan birgalikda belgilangan tartibda universitetning moliyaviy mablag‘lar bilan ta’minlanishini amalga oshiradi, buxgalteriya hisobi va hisobotini tayyorlaydi, taxlil qiladi, umumlashtiradi va natijasi yuzasidan rahbariyatga axborot beradi.

Buxgalteriya vazifalari va funksiyalari

Hisobxonaning asosiy vazifalari quyidagilardan iborat:

1. buxgalteriya hisobini amaldagi normativ-huquqiy hujjatlar asosida yuritish, shuningdek, hisob ishlarini zamonaviy texnik vositalar va axborot texnologiyalaridan foydalangan holda tashkil etish;
2. buxgalteriya hujjatlarini o‘z vaqtida va to‘g‘ri rasmiylashtirilishini hamda amalga oshirilayotgan operatsiyalarning qonuniyligini ta’minlash;
3. budjet mablag‘larini, shuningdek, budjetdan tashqari mablag‘larni xarajatlar smetasida ko‘zda tutilgan muayyan maqsadlarga to‘g‘ri sarflanishi, shuningdek, pul mablag‘lari va moddiy qimmatliklarning butligi ustidan muntazam nazorat qilish;
4. universitetda buxgalteriya hisobini qonunchilik talablariga muvofiq yuritilishini tashkil etish;
5. universitetda xodimlarning ish haqlarini va unga tenglashtirilgan to‘lovlarini, shuningdek, talabalarning stipendiyalarini belgilangan tartibda hamda o‘z vaqtida hisoblab chiqish;
6. xizmat safari xarajatlarining hisobini yuritish, ajratish va sarflanishi bo‘yicha asoslantiruvchi xujjatlarni hisobdor shaxslardan qabul qilish, rasmiylashtirish hamda belgilangan tartibda hisob-kitob qilish;
7. smeta ijrosi jarayonida vujudga keladigan yuridik va jismoniy shaxslar bilan olib boriladigan hisob-kitoblarni o‘z vaqtida amalga oshirish;
8. pul mablag‘lari, hisob-kitoblar va moddiy qimmatliklar, shuningdek, boshqa aktivlarni va majburiyatlarni inventarizatsiya qilishda qatnashish, inventarizatsiya natijalarini o‘z vaqtida va to‘g‘ri rasmiylashtirish hamda ularni buxgalteriya hisobida aks ettirish;
9. moddiy javobgar shaxslarga ularning javobgarligida turgan moddiy qimmatliklarning butligini saqlash va hisobini olib borish yuzasidan tushuntirish ishlarini o‘tkazish;
10. moddiy qimmatliklarni olish uchun berilgan ishonchnomalarni hisobini yuritish va ulardan to‘g‘ri foydalanilishni tashkil qilish;
11. moliyaviy hisobotlarni belgilangan muddatlarda tuzish va topshirish;
12. asosiy vositalar hamda boshqa moddiy qimmatliklarni ularning saqlanish va foydalanish joylarida butligini muntazam nazorat qilish;
13. aktivlarning mavjud holati va harakati, mulkiy huquqlar hamda majburiyatlar, kreditorlik va debitorlik qarzdorlik holati to‘g‘risidagi ma’lumotlarni buxgalteriya hisobotlarida to‘liq va to‘g‘ri aks ettirilishini ta’minlash;
14. talabalardan o‘qitishning to‘lov-kontakt turi bo‘yicha universitet hisob raqamiga kelib tushgan mablag‘lar bo‘yicha tegishli bo‘limlarga ma’lumotlar berib borish;
15. buxgalteriya hujjatlarini, hisob registrlarini saqlanishini ta’minlash;
16. qonunchilikda nazarda tutilgan boshqa vazifalarni bajarilishini ta’minlash.
17. Hisobxona o‘ziga yuklatilgan vazifalarni bajarish uchun quyidagi funksiyalarni amalga oshiradi:
18. buxgalteriya hisobi va hisobotini belgilangan shakllarga mos xolda yuritilishini ta’minlaydi, taxlil qiladi va natijasi yuzasidan raxbariyatga axborot beradi;
19. pul mablag‘larini, tovar-moddiy boyliklarni va asosiy vositalarni harakati buyicha xisobotlarning lozim darajada yuritilishini tashkillashtiradi, milliy standartlarga mosligini ta’minlaydi;
20. moliyaviy hisobotlarni taxlil kilib, umumlashtiradi, raxbariyatga va tegishli organlarga ma’lumot taqdim qiladi;
21. universitetning budjet va budjetdan tashkari hisob raqamlariga pul mablag‘larining, shu jumladan, talabalardan o‘qitishning to‘lov-kontakt turi bo‘yicha pul mablag‘larining kelib tushishi va ularning sarf qilinishi bo‘yicha ma’lumotlar tayyorlaydi, ularni umumlashtiradi, natijalari yuzasidan rahbariyatga axborot beradi, tegishli organlarga hujjatlar tayyorlaydi;
22. universitetga ajratilgan ish haqi fondining to‘g‘ri ishlatilishini, shuningdek, ish haqidan budjet va budjetdan tashqari jamg‘armalarga to‘lovlarni to‘g‘ri xisoblanishini hamda o‘z vaqtida o‘tkazilishini taxlil qiladi;
23. buxgalteriya faoliyatiga talluqli masalalarni muxokama qilish va o‘zaro tajriba almashish maqsadida vazirlikning markaziy buxgalteriyasi bilan hamkorlikda muassasalar hisobxona bo‘limi xodimlari bilan seminarlar, o‘quv mashg‘ulotlari va boshqa tadbirlarda ishtirok etadi;
24. tovar-moddiy boyliklar va naqd pul mablag‘larini olib kelish xamda bajarilgan ishlar va xizmatlarni qabul qilish buyicha ishonchnomalar beradi, ularni ro‘yxatga oladi va hisobini yuritadi;
25. universitet tomonidan tuzilgan xo‘jalik shartnomalarning xisobini yuritadi, ijrosini nazorat qiladi, to‘lovlarning o‘z vaqtida amalga oshirilishini ta’minlaydi xamda shartnomalar nusxasini saqlaydi.

Bo'lim boshlig’i: Maxamov Mirobid

 Qabul kunlari: Dushanba, Chorshanba, Juma  (15⁰⁰ - 17⁰⁰)

Telefon raqam: +998 70 717 37 73

E-mail: mirobidmmm87@mail.ru