O‘zbekiston davlat jismoniy tarbiya va sport universitetida Eshkak eshish bazasi ochildi

#talabalarga_qulaylik

Bugun O‘zbekiston davlat jismoniy tarbiya va sport universitetida yangidan bunyod etilgan eshkak eshish bazasining ochilish marosimi bo‘lib o‘tdi.

Marosimda Sport vaziri Adkham Ikramov, Milliy olimpiya qo‘mitasi raisining birinchi o‘rinbosari Otabek Umarov, Bosh kotibi Oybek Kasimov, qoʻmita raisi oʻrinbosari Sherzod Tashmatov, universitet rektori Rashid Matkarimov, prorektorlar, soha faxriylari, professor-o‘qituvchilar hamda sportchilar ishtirok etdi.

Tadbirda so‘zga chiqqanlar ushbu sport bazasi nafaqat universitet sportchi talabalari, balki terma jamoa a’zolari hamda Chirchiq olimpiya va paralimpiya sport turlariga tayyorlash markazi o‘quvchilari uchun ham faol mashg‘ulot olib boriladigan majmua bo‘lib xizmat qilishi, shuningdek eshkak eshish sportini ommalashtirish, iqtidorli sportchilarni saralash va ularni professional sportchilar qilib tayyorlashda muhim o‘rin tutishiga ishonch bildirildi.

Marosim qatnashchilari universitet sport inshootlari faoliyati bilan tanishib, olib borilayotgan mashg‘ulot jarayonlarida qatnashishdi. Sportchi va murabbiylar bilan suhbatlashdi. 

Sportimiz mutasaddilari xalqaro talablar asosida bunyod etilgan ushbu majmuada boshlangan ilk musobaqa – baydarka va kanoeda eshkak eshish bo‘yicha O‘zbekiston davlat jismoniy tarbiya va sport universiteti ochiq chempionatiga guvoh bo‘lishdi.