O‘zDJTSU Xitoyning nufuzli Wuhan Sport universiteti bilan xalqaro aloqalarni yo'lga qo'ydi

#tashrif

Bugun O‘zbekiston davlat jismoniy tarbiya va sport universitetiga Wuhan Sport universiteti prezidenti Lyu Wangang boshchiligidagi delegatsiya tashrif buyurdi.

Xitoy universitetlari koʻrgazmasi doirasida tashrif buyurgan mazkur delegatsiya vakillari bilan dastlab, universitet rahbariyati o‘rtasida uchrashuv o‘tkazildi.

Unda ikki oliy ta’lim muassasasining o‘qish tartibi, ta’lim yo‘nalishlari va mutaxassisliklari, o‘qish muddatlari hamda shart-sharoitlari haqida ma’lumotlar berilib, tomonlar o‘rtasida professor-o‘qituvchilar, talabalar almashinuvini va xalqaro aloqalarni yo‘lga qo‘yish yuzasidan hamkorlik Memorandumi imzolandi. Shuningdek, universitetning fakultet dekanlari va kafedra mudirlari bilan ham suhbat o‘tkazildi.

Yakunda faxriy mehmonlar oliygoh rektori Maxmudjon Boltabayev hamrohligida universitetdagi mavjud sport inshootlari, ilmiy laboratoriya va markazlar hamda yaratilgan sharoitlar bilan yaqindan tanishishdi.

 
Ma’lumot o‘rnida, bugun 11-dekbrdan Oliy taʼlim, fan va innovatsiyalar vazirligi huzuridagi “Innotexnopark” binosida Xitoy universitetlari koʻrgazmasi boshlandi. Unda Xitoyning 50 ga yaqin universitetlari rektori hamda prorektorlari, Oʻzbekiston tomondan 100 dan ortiq davlat hamda xususiy oliy taʼlim muassasalari rahbar va masʼullari ishtirok etmoqda.