Sportchilar oilasining matonatli talabalari ishtirokida turli uchrashuvlar tashkil etilmoqda…

#tashrif

Bugun universitetning Paralimpiya va qishki sport turlari fakulteti Adaptiv jismoniy tarbiya va parasport kafedrasi talabalari 3-dekabr – Xalqaro nogironlar kuni munosabati bilan Toshkent tumanida joylashgan Aniq va ijtimoiy fanlar universitetida mehmonda bo‘ldilar.

Universitet rahbariyati oliygohimizning sportchi talabalarini juda iliq kutib olishdi. Ikkala universitet vakillari o‘rtasida bo‘lib o‘tgan samimiy suhbat davomida O‘zbekiston davlat jismoniy tarbiya va sport universitetining matonatli talaba-yoshlari o‘zlarining hayot yo‘llari hamda qiyinchiliklarga qaramasdan sportda erishgan yutuqlari bilan o‘rtoqlashishdi. 

Bu uchrashuv mezbon universitet talabalarida ulkan taassurot qoldirdi va oliygoh rahbariyati tomonidan tadbir qahramonlariga tashakkurnomalar topshirildi.