#seminar_trening
Joriy yilning 8-noyabr kuni O‘zbekiston davlat jismoniy tarbiya va sport universitetida IT Park Toshkent shahri va Toshkent viloyati filiali xodimlari ishtirokida “MY.GOV.UZ – XIZMATINGIZDA!” loyihasi yuzasidan raqamli iqtisodiyotni rivojlantirish ishlarini qo‘llab-quvvatlash, tizimdan navbatsiz va to'laqonli foydalanish bo‘yicha seminar trening tashkil etildi.
Unda universitetning Ilmiy ishlar va innovatsiyalar bo‘yicha prorektori B.Musayev, professor-o‘qituvchilar, doktorant, tadqiqotchi, magistr va talaba-yoshlar ishtirok etishdi.
Trening davomida mutaxassislar my.gov.uz portalida joriy etilgan imkoniyatlar hamda elektron xizmatlardan foydalanish tartiblari haqida zaruriy ma’lumotlar berishdi. O'z navbatida, trening qatnashchilari tomondan turli savollar yo'llanishdan tashqari, qator takliflar ham bildirildi.