Bugun O‘zbekiston davlat jismoniy tarbiya va sport universitetida Taekvondo, qilichbozlik nazariyasi va uslubiyati kafedrasi professori Baek Mun Jong boshchiligidagi taekvondo yo‘nalishi talaba-yoshlari hamda Koreya Para Taekvondo Assotsiatsiyasi vakillari bilan birgalikda qo‘shma o‘quv-mashg‘ulot yig‘inlari o'tkazildi.
Mazkur qo‘shma o‘quv-mashg‘ulot yig‘inlari o‘z oldiga ham nazariy, ham amaliy tajriba almashish va kelgusida para-taekvondoni rivojlantirish uchun ikki davlat o‘rtasida hamkorlik aloqalarini yo‘lga qo‘yishni maqsad qilgan.
Ma’lumot o‘rnida, qo‘shma o‘quv-mashg‘ulot yig‘inlari O‘zbekiston Respublikasi Prezidentining 2022 yil 3-noyabrdagi “Jismoniy tarbiya va sport sohasida kadrlarni tayyorlash hamda ilmiy tadqiqotlar tizimini yana-da takomillashtirish chora-tadbirlari to‘g‘risida”gi PQ-414-son qarorida belgilangan vazifalari ijrosi doirasida o‘quv jarayonini xalqaro standartlarga moslashtirish, ilg‘or xorijiy sport va ta’lim texnologiyalarini joriy etish orqali yuqori natijalarga erishish kabi maqsadli ko‘rsatkichlar ijrosini ta’minlash asnosida tashkil etildi.