Do‘stlar va shogirdlari ardog‘ida umr guzaronlik qilayotgan sportchilar oilasining faxriy ustozi 80 yoshga to‘ldi!

Bugun O‘zbekiston davlat jismoniy tarbiya va sport universitetida oliygohning Milliy kurash turlari nazariyasi va uslubiyati kafedrasi dotsenti, “O‘zbekistonda xizmat ko‘rsatgan murabbiy” Taymuratov Omon Rasulovich tavalludining 80 yilligiga bag‘ishlangan “Milliy kurash turlari va ularning nazariy-amaliy muammolari” mavzusida Respublika ilmiy-amaliy anjumani bo‘lib o‘tdi.

Unda O‘zbekiston Respublikasi Yoshlar siyosati va sport vazirligi, Jismoniy tarbiya va sport ilmiy tadqiqotlar instituti hamda O‘zbekiston kurash federatsiyasi vakillari, universitet prorektorlari, rahbar xodimlar, fakultet dekanlari, kafedra-mudirlari, professor-o‘qituvchilar, Respublika miqyosidagi jismoniy tarbiya va sport sohasida faoliyat yuritayotgan bir qator mutaxassislar va talaba-yoshlar ishtirok etishdi.

Seminar davomida unga tashrif buyurgan mehmonlar, vazirlik va federatsiya vakillari, qolaversa, oliygoh rahbariyati jamoasi hamda Aman Taymuratovning shogirdlari tomonidan faxriy ustozning o‘zbek milliy kurash sport turining rivojlanishi, uning Xalqaro darajadagi nufuzini oshishiga qo‘shgan ulkan hissasi, shuningdek, o‘sib kelayotgan yosh avlodga, mazkur sport turi bo‘yicha o‘ziga xos maktab yaratganliklari to‘g‘risida alohida e’tirof etilib, tabriklar bildirildi va barchalari o‘zlarining tashakkurnoma hamda esdalik sovg‘alarini topshrishdi.