Talaba-yoshlarning ilmiy salohiyatini oshirishga xizmat qilayotgan – Uch avlod uchrashuvlari!

Joriy yilning 29-oktabr kuni O‘zbekiston davlat jismoniy tarbiya va sport universiteti Futbol fakultetida faxriy ustozlar ishtirokida tarix, bugun va kelajakni o‘zida mujassam etgan “Uch avlod uchrashuvi” o‘tkazildi.

Unda fakultet Yoshlar masalalari va ma’naviy-ma’rifiy ishlar bo‘yicha dekan o‘rinbosari X.Xolmuratov, Futbol nazariyasi va uslubiyati kafedrasi mudiri Sh.Abidov hamda bir qator faxriy professor-o‘qtuvchilar va talabalar ishtirok etishdi.

Uchrashuv davomida o‘zbek futboli rivojiga munosib hissasini qo‘shib kelayotgan ustoz-murabbiylar yosh va ilimga chanqoq talabalarga o‘zlarining bosib o‘tgan mashaqqatli mehnat faoliyati, to‘plagan boy tajribasi, yoshlik davridagi o‘ziga xos qiyinchiliklar, futbol sportining rivojlanishi yo‘lida olib borgan ilmiy metodik ishlari haqida so‘zlab berdilar. Shuningdek, ular tomonidan talabalarga master-klaslar o‘tkazildi.

Yakunda talaba-yoshlar bergan savollariga yetarlicha javob oldilar.