Bugun O‘zbekiston davlat jismoniy tarbiya va sport universiteti kuzatuv kengashining navbatdagi yig‘ilishi bo‘lib o‘tdi

Yig‘ilishni kuzatuv kengashi raisi, O‘zbekiston Respublikasi Sportni rivojlantirish vaziri A. Ikramov olib bordi. 

Kuzatuv kengashi kun tartibida O‘zbekiston davlat jismoniy tarbiya va sport universiteti va filiallarida (Nukus, Farg‘ona) 2022-2023 o‘quv yili qabul jarayonlarining yakunlari, 2022-2023 o‘quv yiliga tayyorgarlik  bo‘yicha o‘quv-meʼyoriy hujjatlarni tasdiqlash, universitetga malakali kadrlarni jalb qilish, xizmatchi xodimlar hamda professor-o‘qituvchilarining mehnatiga haq to‘lash tizimini takomillashtirish, universitetning tashkiliy tuzilmasiga o‘zgartirish kiritish kabi muhim masalalar ko‘rib chiqildi.