Yangi o‘quv yiliga yangi rejalar bilan!

Bugun O‘zbekiston davlat jismoniy tarbiya va sport universitetida universitet rektori, professor Mahmudjon Boltabayev boshchiligida yangi o‘quv yiliga tayyorgarlik ko‘rish borasida yig‘ilish bo‘lib o‘tdi.

Unda Yoshlar masalalari va ma’naviy-ma’rifiy ishlar bo‘yicha prorektor N.Dusanov, O‘quv ishlari bo‘yicha prorektor I.Axmedov, Moliya-iqtisod ishlari bo‘yicha prorektor I.Ibragimov, Bosh yuriskonsult B.Sirojov va barcha fakultet dekanlari, kafedra mudirlari, bo‘lim rahbarlari hamda professor-o‘qituvchilar ishtirok etishdi.

Yig‘ilish davomida, avvalo, yangi 2022 – 2023 o‘quv yiliga puxta tayyorgarlik ko‘rish, shuningdek, barcha rahbar va ishchi xodimlar o‘zlarining funksional vazifalaridan kelib chiqib, lavozim yo‘riqnomasini shakllantirishi, me’yoriy-huquqiy hujjatlardan xabardor bo‘lishi hamda kun tartibidagi boshqa masalalar to‘g‘risida fikrlar bildirildi.

Yig‘ilish yakunida esa yuqoridagi masalalar yuzasidan savol-javoblar bo‘lib, universitet rektori tomonidan tegishli topshiriqlar berildi.