BADMINTON, TENNIS NAZARIYASI VA USLUBIYATI KAFEDRASI

KAFEDRA TARIXI

     Sportning tennis, stol tennis va badminton turlari dunyo davlatlari va yurtimiz aholisi orasida keng ommalashgan sport turlaridan sanaladi. Shu boiski, ushbu sport turlari to’rt yillikning muhim musobaqasi bo’lgan yozgi Olimpiada o’yinlari dasturidan mustahkam o’rin olgan. Anglaganingizday, bugun O’zbekiston davlat jismoniy tarbiya va sport universitetining Sport o’yinlari fakulteti negizidagi Tennis, badminton nazariyasi va uslubiyati kafedrasi faoliyati haqida so’z yuritamiz. Kafedra mamlakatimizda jismoniy tarbiya va sport sohasida aholi keng qatlamini sport bilan, xususan, stol tennisi, tennis va badminton bilan shug’ullanishga jalb etish va bu orqali jismonan sog’lom avlodni tarbiyalash, ommaviy sport tadbirlari va musobaqalar o’tkazish, iste’dodli sportchilarni tanlash, tayyorlash va mahoratini oshirish, katta sport sari etaklash, qolaversa, kadrlar tayyorlash, sohaga zamonaviy texnoligiyalarni joriy etish va xalqaro aloqalarni kengaytirish kabi ustuvor vazifalarni bosh maqsad qilgan. Sport o’yinlari kafedrasining birinchi mudiri O’zbekistonda xizmat ko’rsatgan murabbiy V.X.Shnurov, u 1955 yildan 1960 yilgacha kafedrani boshqargan. Keyinchalik kafedraga O’zbekistonda xizmat ko’rsatgan trener G.L.Keshishev (1960-1968), O’zbekistonda xizmat ko’rsatgan trener V.f.Shveduks (1968-1970), O’zbekistonda xizmat ko’rsatgan trener I.I.Itskov (1970-1972), professor O.T.Rasulov (1972-1974), dotsent A.Sh.Qosimov (1974-1984), O’zbekistonda xizmat ko’rrsatgan trener, pedagogika fanlari doktori, professor L.R.Ayrapetyans (1984-2016) rahbarlik qilganlar.  Kafedrada turli yillarda tennis bo’yicha tajribali mutaxassislardan X.Abidova, V.Bezverxov, M.Gaziyev, O.Mo’minov, N.Umarova, Sh.Chebotaryevlarning shu sport turini rivoji yo’lida qilgan mehnatlari tahsinga loyiq. Bu borada kafedraning eng tajribali va faxriy ustozlaridan, tennis bo’yicha ko’p karra O’zbekistonning (1969-1975 yillar) chempioni, O’zbekiston tennis federatsiyasi murabbiylar hay’ati raisi, sport ustasi, 50 dan ortiq ilmiy ishlar muallifi, b.f.n. dotsent V.P.Bezverxovning mehnatini alohida ta’kidlab o’tish lozim. 2011 yilda Gandbol va tennis nazariyasi va uslubiyati kafedrasi tashkil topadi va kafedrani p.f.n. O.X.Abdualimov boshqardi. 2014 yili esa ushbu  kafedrada badminton ixtisosligi ham yo’lga qo’yildi. 2018 yili badminton sport turini o’z ichiga olgan kafedrada Gandbol, tennis, badminton nazariyasi va uslubiyati kafedrasi nomi ostida faoliyatini davom ettiradi. Nihoyat, 2020 yilda Tennis, badminton nazariyasi va uslubiyati kafedrasi tashkil etildi va stol tennis ixtisosligi ham kafedraga qamrab olindi. Yangidan tashkil etilgan ushbu  kafedra mudiri lavozimiga Qobiljon Kamilovich Usmanov tayinlandi.

     Aytish joiz, universitetning yuqori malakali professor-o’qituvchilari qatoridan munosib joy olgan yosh mutaxassis – kafedra mudiri Q.Usmanov o’z faoliyatida yuksak natijalarga erishib kelmoqda. Kafedraning  o’quv-uslubiy, ilmiy, ma’rifiy va sport ishlarida doim faolligi, uning 40 dan ortiq ilmiy ishlari nashr qilingani buning dalolatidir. Yangidan tashkil etilgan kafedraga rahbar etib ta’yinlanishiga qadar Q.Usmanov Sport o’yinlari fakultetining Yoshlar bilan ishlash bo’yicha dekan muovini lavozimida faoliyat yuritgan. Ayni paytda kafedrada talabalarning puxta bilim olib, yuqori salohiyatli mutaxassislar bo’lib yetishishida kafedrada dotsent v.b. Sh.A. Po’latov, katta o’qituvchi N.I.Ahmedova, o’qituvchilar Sh.D.Saidova, M.Y.G’aniyeva, S.F.Suleymanova, N.S.Qurbonova, A.I.Azamatov, Sh.Sh.Isroilovlar ustozlik qilishmoqda. Yangi tashkil etilgan kafedra tarkibi 2020-2021 o’quv yilida tennis ixtisosligi bo’yicha magistratura bosqichini muvaffaqiyatli tugatgan M.I.Djalilova, F.T.Umaraliyeva, B.U.Xolmatovlar faoliyati bilan kengaydi. Kafedraning yosh mutaxassislari tomonidan Stol tennis nazariyasi va uslubiyati fani bo’yicha o’quv ishchi dasturlar, o’quv-uslubiy majmualar hamda o’quv-me’yoriy xujjatlari tayyorlanganiga guvoh bo’lish mumkin. Kafedra ham universitetning boshqa kafedralari singari iste’dodli, sportda yuqori marralarni zabt etgan faxr sportchi talabalari bilan faxrlanishga haqli. Kafedra tarkibidagi sport turlari bo’yicha tahsil olayotgan talabalar yoki bitiruvchilarning ko’pchiligi turli sport federatsiyalarining terma jamoalari tarkibida Osiyo va Jahon chempionatlari, Olimpiya va Osiyo o’yinlari, xalqaro turnirlarning g’olib va sovrindorlari bo’lib, Vatanimiz sharafini munosib himoya qilishmoqda.

Jumladan, xalqaro toifadagi tennischilar Denis Istomin, Nigina Abduraimova, Farrux Dostov, Vaja Uzoqov, Sabina Sharipova, Ravshan Sultonov, Danis Baybekov, Fomin Sergey, Zarnigor Dostonova, Temur Satimov, Abdulaziz Yaxshilikov, Abror Jalolovlarning qo’lga kiritgan muvaffaqiyatlari bois kafedraning faxriylari hisoblanishadi.Stol tennis bo’yicha ham xalqaro toifadagi sport ustalari Saida Burxonxo’jayeva, Nodira Burxonxo’jayeva, Mohinaxon E’zozova, Fotima Yunusova, Rumiya Lutfullina, Zulayho Yakubovalarga ham xuddi shunday ta’rif berish mumkin. Ular universitetning faxriy bitiruvchilarihisoblanib, hozirda O’zbekistonda tennis va stol tennisi sport turlarini yanada rivojlantirishga o’z hissalarini qo’shib kelishmoqda. Badminton bo’yicha esa xalqaro toifadagi sport ustalari Sherzod Zohidov, Filip Sidaryuk, Zuhraxon Qaxxorova, Sodiqjon Sodiqov, Hasan Qaxxorov, Shirin Shavkatova, Diyora Aripxonova, Aleksandr Kim, Aziz Xamidovlar kafedralarda har doim faxr bilan tilga olinadi. Kafedrada Qobiljon Usmonov boshchiligida ilmiy-pedagogik faoliyatga ham alohida e’tibor qaratilgan. Bu borada ko’plab ilmiy va uslubiy ishlar, shu jumladan, fanlar bo’yicha darsliklar, o’quv qo’llanmalar nashr etilgan. Kafedra professor o’qituvchilari tomonidan 2014 yilda “Tennis. Biblioteka trenera” (2011) kitobi, “Yosh tennischilarni tayyorlash texnologiyasi” nomli o’quv qo’llanma chop etilgan. 2017 yilda kafedra professor-o’qituvchilari tomonidan tayyorlangan sportchilar, murabbiylar, oily va maxsus jismoniy tarbiya o’quv yurtlari uchun mo’ljallangan “Tennis” o’quv-uslubiy qo’llanma, “Tennis nazariyasi va uslubiyati” nomli darslik, “Sport pedogogik mahoratini oshirish (tennis)” o’quv qo’llanma, “Stol tennisi”, “Badminton” o’quv-uslubiy qo’llanmalar nashr qilingan. Kafedrada shuningdek, hamkorlik aloqalari ham yaxshi yo’lga qo’yilgan. Sport federatsiyalari, ixtisoslashtiilgan olimpiya zahiralari maktab internatlari, bolalar-o’smirlar sport maktablari hamda xalqaro miqyosda Yaponiya Sport va fan universiteti, Xitoy jismoniy tarbiya va sport universiteti, Belerus davlat jismoniy tarbiya universiteti, Rossiya davlat jismoniy madaniyat, sport, yoshlar va turizm  universiteti, P.F.Lestgaft nomidagi Sankt-Peterburg davlat jismoniy madaniyat, sport va salomatlik universiteti bilan hamkorlik o’rnatilgan. Kafedraning istiqboldagi rejalariga muvofiq, sport turlari bo’yicha ilmiy-uslubiyadabiyotlarni yozish va nashrdan chiqarish (darslik, o’quv qo’llanma o’quv-uslubiy qo’llanma, uslubiy tavsiyanomalar), xorijiy ta’lim muassasalarida bilim olish va malaka oshirish, amaliyot o’tashda kafedra professor-o’qituvchilarning ishtirokini ta’minlash, universitet professor-o’qituvchilari va talabalar o’rtasida sport turlari bo’yicha sport tadbirlari tashkil etish, o’quv-mashg’ulot jarayoninig o’quv-uslubiy va ilmiy-uslubiy kompleksini ishlab chiqish uchun kafedra professor – o’qituvchilari, olimlar, sport o’yinlari bo’yicha respublika oily sport mahorati maktabi sport mutaxassislaridan tashkil topgan kompleks ilmiy guruhlarini tuzish va o’tkazishdan iborat.

     Yurtimizda aholi orasida, ayniqsa, yoshlar orasida sog’lom turmush tarzini shakllantirishda mazkur sport turlari asosiy omillardan hisoblanadi,- deydi kafedra mudiri Qobiljon Usmanov. – Poytaxtimizda, viloyat va tuman markazlari, hatto respublikaning eng olis hududlarida jahon standartlariga javob beradigan zamonaviy tennis sport majmualarining barpo etilishi, ko`p sonly xalqaro musobaqalarning tashkil etilishi tennischilarimizga o`z mahoratlarini takomillashtirish, o’zlarini xalqaro sport maydonida namoyon etish hamda bugungi kundaO’zbekistonni jahonning yirik tennis markazlaridan biri deb hisoblashimkonini beradi. Mamlakatimizda jismoniy tarbiya va sportning ommaviyligini ta’minlash, tennis, stol tennii va badminton bo’yicha  yuqori malakali mutaxassislarni tayyorlash, sog`lom turmush tarsi asoslarini shakllantirish, aholi o`rtasida, xususan, talaba-yoshlar orasida sog`lom hayot kechirish tamoyillarini singdirish, malakali, dunyo sport maydonida ro`y berayotgan voqea-hodisalarga munosabat bildira oladigan, o`z yurti manfaatini munosib himoya qila oladigan, jismonan va ma’nan barkamol avlodni tarbiyalash universitetimiz, fakultetimiz va kafedramizning ustivor vazifalari va bosh maqsadi bo`lib qolaveradi. Zero, buning uchun universitetimizda yaratilgan shart-sharoitlar, qulayliklar har qachongidanda a’lo.

KAFEDRA PROFESSOR-O'QITUVCHILARI TOMONIDAN CHOP ETILGAN ADABIYOTLAR

PROFESSOR O`QITUVCHILAR TARKIBI

Kafedra professor-o`qituvchilarining tayanch ma`lumoti, ilmiy daraja, ilmiy unvon va ixtisosliklari kafedra ixtisosiga mos keladi. Kafedrada: kafedra mudiri, 1 nafar dotsent, 2 nafar katta o`qituvchi va 11 nafar o`qituvchilar faoliyat olib borishmoqda.

Kafedra mudiri

Usmanov Kоbiljon Kamilovich.

Telefon: +998 (99) 320 42 22

E-mail: kabul.usmon@gmail.com

Kafedra dotsenti

Pulatov Sherzod Azatovich.

Telefon: +998 (97) 707 82 83

e-mail: Sh.Pulatov@uzdjtsu.uz

Kafedra katta o‘qituvchisi.

Ahmedova  Nafisa  Isoxodjayevna.

Telefon; +998 (90) 806 99 96

e-mail: N.Ahmedova@uzdjtsu.uz

Kafedra katta o‘qituvchisi

Azamatov Abdullo    Isoxodjayevich.

Telefon: +998 (90) 334 49 00

e-mail: A.Azamatov@uzdjtsu.uz

Kafedra o‘qituvchisi.

Suleymanova Sabina Faridovna.

Telefon: +998 (97) 704 23 05

e-mail: S.Suleymanova@uzdjtsu.uz

Kafedra o‘qituvchisi.

Isroilov Shoolim Shoakromovich.

Telefon: +998 (97) 737 61 91

e-mail: Sh.Isroilov@uzdjtsu.uz

Kafedra o‘qituvchisi

Saidova Shahnoza Jo‘rabayevna.

Telefon: +998 (91) 778 79 07

e-mail: Sh.Saidova@uzdjtsu.uz

Kafedra o‘qituvchisi.

Qurbonova Nazokat Sadullayevna.

Telefon: +998 (97) 545 65 75

e-mail: N.Qurbonova@uzdjtsu.uz

Kafedra o‘qituvchisi.

Xolmatov Bekzod O‘ralоvich.

Telefon: +998 (90) 001 63 03

e-mail: B.Xolmatov@uzdjtsu.uz

Kafedra o‘qituvchisi.

Umaraliyeva Feruza Tulkunovna.

Telefon: +998 (97) 775 67 97

e-mail: F.Umaraliyeva@uzdjtsu.uz

Kafedra o‘qituvchisi.

Abdurazakov Xasan Abduazimovich.

Telefon: +998 (97) 760 75 29

e-mail: xasan@uzdjtsu.uz

Kafedra o‘qituvchisi.

Maxmaraimov Jasur Jumanazarovich.