Tennis, badminton, stol tennisi nazariyasi va uslubiyati kafedrasi
Sportning tennis, badminton hamda stol tennis turlari dunyoning ko‘plab mamlakatlari va yurtimiz aholisi orasida eng ommalashgan sport turlaridan hisoblanadi. Shu sababdan, ushbu sport turlari to‘rt yillikning muhim musobaqasi hisoblangan yozgi Olimpiada o‘yinlari dasturidan mustahkam o‘rin olgan. Anglaganingizday, bugun O‘zbekiston davlat jismoniy tarbiya va sport universitetining Tennis, badminton, stol tennisi nazariyasi va uslubiyati kafedrasi faoliyati haqida so‘z yuritamiz.
Kafedra mamlakatimizda jismoniy tarbiya va sport sohasida aholini keng qatlamini sport bilan, xususan, tennis, badminton va stol tennisi bilan shug‘ullanishga jalb etish va shu orqali jismonan sog‘lom, ruhan barkamol avlodni tarbiyalash, ommaviy sport tadbirlari va musobaqalar o‘tkazish, iste’dodli sportchilarni tanlab olish, tayyorlash va mahoratini oshirish, katta sport sari yetaklash, qolaversa, yetuk mutaxassis kadrlar tayyorlash, sohaga zamonaviy texnoligiyalarni joriy etish, xalqaro aloqalarni kengaytirish, ilmiy sohalarda izlanishlar olib borish orqali yurtimizda sport sohasini rivojlantirishga hissa qo‘shish va shu kabi yo‘nalishlarda ko‘plab ustuvor vazifalarni bosh maqsad qilgan.
Tennis sport turi dastlab O‘zbekiston davlat jismoniy tarbiya instituti tasarrufidagi Sport o‘yinlari kafedrasi negizida tashkil topgan bo‘lib, ushbu kafedraning birinchi mudiri O‘zbekistonda xizmat ko‘rsatgan murabbiy V.X.Shnurov, (1955-1960 yillar) kafedrani boshqargan. Keyinchalik kafedraga O‘zbekistonda xizmat ko‘rsatgan trener G.L.Keshishev (1960-1968), O‘zbekistonda xizmat ko‘rsatgan trener V.f.Shveduks (1968-1970), O‘zbekistonda xizmat ko‘rsatgan trener I.I.Itskov (1970-1972), professor O.T.Rasulov (1972-1974), dotsent A.Sh.Qosimov (1974-1984), O‘zbekistonda xizmat ko‘rrsatgan trener, pedagogika fanlari doktori, professor L.R.Ayrapetyans (1984-2016) rahbarlik qilganlar. Kafedrada turli yillarda tennis bo‘yicha tajribali mutaxassislardan X.Abidova, V.Bezverxov, M.Gaziyev, O.Mo‘minov, N.Umarova, Sh.Chebotaryevlarning shu sport turini rivoji yo‘lida qilgan mehnatlari tahsinga loyiq. Bu borada kafedraning eng tajribali va faxriy ustozlaridan, tennis bo‘yicha ko‘p karra O‘zbekistonning (1969-1975 yillar) chempioni, O‘zbekiston tennis federatsiyasi murabbiylar hay’ati raisi, sport ustasi, 50 dan ortiq ilmiy ishlar muallifi, b.f.n. dotsent V.P.Bezverxovning mehnatini alohida ta’kidlab o‘tish lozim.
2011-yildan tennis ixtisosligi Sport o‘yinlari kafedrasidan Gandbol kafedrasi tasarrufiga o‘tkazilgan. 2014-yildan Respublikamizda badminton sport turini rivojlantirish hamda ushbu sport turidan mutaxassis kadrlarni tayyorlash masalalarini yo‘lga qo‘yish maqsadida Gandbol, tennis nazariyasi va uslubiyati kafedrasi negizida badminton sport turi ixtisosligiga talabalar qabul qilinib, kafedra nomi Gandbol, tennis, badminton nazariyasi va uslubiyati kafedrasi nomiga o‘zgartirilgan. Yurtimizda ommaviy sport turlarini rivojlantirish, aholi o‘rtasida sog‘lom turmush tarzini keng yo‘lga qo‘yish maqsadida 2020-yildan boshlab Gandbol, tennis, badminton nazariyasi va uslubiyati kafedrasi negizida stol tennis ixtisosligi yo‘nalishi ochilganidan so‘ng, “Tennis, badminton nazariyasi va uslubiyati” kafedrasi alohida kafedra sifatida o‘z faoliyatini boshladi.
2023-yildan boshlab kafedra nomi “Tennis, badminton, stol tennisi nazariyasi va uslubiyati” kafedrasiga o‘zgartirildi.Ayni paytda kafedrada talabalarning puxta bilim olib, yuqori salohiyatli mutaxassislar bo‘lib yetishishida kafedra dotsenti N.I.Ahmedova, professor Sh.D.Saidova, katta o‘qituvchilar A.I.Azamatov, F.T.Umaraliyeva, B.O‘.Xolmatov, H.X.Turobov va o'qituvchilar M.I.Djalilova, J.J.Mahmaraimov, I.I.Ne’matullayev, G.S.Karimovalar ustozlik qilib kelishmoqda.
Kafedrada universitetning boshqa kafedralari singari iste’dodli, sportda yuqori marralarni zabt etgan faxrli sportchi-talabalari safi kundan-kunga kengayib bormoqda. Kafedra tarkibidagi sport turlari bo‘yicha tahsil olayotgan talabalar hamda bitiruvchilarning ko‘pchiligi turli sport federatsiyalarining terma jamoalari tarkibida Osiyo va Jahon chempionatlari, Olimpiya va Osiyo o‘yinlari, xalqaro turnirlarning g‘olib va sovrindorlari bo‘lib, Vatanimiz sharafini munosib himoya qilishmoqda.
Jumladan, xalqaro toifadagi tennischilar Denis Istomin, Nigina Abduraimova, Farrux Dostov, Vaja Uzoqov, Sabina Sharipova, Ravshan Sultonov, Danis Baybekov, Fomin Sergey, Zarnigor Dostonova, Temur Satimov, Abdulaziz Yaxshilikov, Abror Jalolovlarning qo‘lga kiritgan muvaffaqiyatlari bois kafedraning faxriylari hisoblanishadi. Stol tennis bo‘yicha ham sport ustalari, Saida Burxonxo‘jayeva, Nodira Burxonxo‘jayeva, Mohinaxon E’zozova, Fotima Yunusova, Rumiya Lutfullina, Zulayho Yakubovalar, sport ustalari Iqbol Ne’matullayev, Sayyora Abduxalilova, Stanislav Tyan, Kamila Xalikova, Nikita Panov, Yevgeniy Polegayev, Vladimir Polegayev, Liliya Polegayeva, Diana Polegayeva, Mohiro‘y Kamalova, Maqsud Nurpulatov, Barzu Sanjarov, Bahodir Ergashaliyev, Javohir Istamov, Ulug‘bek Mahmudov, Bobur Sharipov, Mehriniso Norqulovalarga ham xuddi shunday ta’rif berish mumkin. Ular universitetning faxriy bitiruvchilari va sportchi-talabalari hisoblanib, hozirda O‘zbekistonda tennis va stol tennisi sport turlarini yanada rivojlantirishga o‘z hissalarini qo‘shib kelishmoqda. Badminton bo‘yicha esa xalqaro toifadagi sport ustalari Sherzod Zohidov, Filip Sidaryuk, Zuhraxon Qaxxorova, Sodiqjon Sodiqov, Hasan Qaxxorov, Shirin Shavkatova, Diyora Aripxonova, Aleksandr Kim, Aziz Xamidov, Sevinch Sodiqovalar har doim faxr bilan tilga olinadi. Shuningdek, kafedrada stol tennis yo‘nalishida tahsil olayotgan ST-51-21 guruh talabasi Yo‘ldashaliyeva Muslima Izzatali qizi 2023-yilning dekabr oyida O‘zbekiston Respublikasining “Navoiy” nomidagi nomdor stipendiyasini qo‘lga kiritib, magistraturaga kirish uchun yo‘llanmaga ega bo‘ldi.
Kafedrada professor-o‘qituvchilar tomonidan ilmiy-pedagogik faoliyatga ham alohida e’tibor qaratilgan. Bu borada ko‘plab ilmiy va uslubiy ishlar, shu jumladan, fanlar bo‘yicha darsliklar, o‘quv qo‘llanmalar nashr etilgan. Shuningdek, Sport federatsiyalari, ixtisoslashtiilgan olimpiya zahiralari maktab internatlari, sport maktablari hamda xalqaro miqyosda Yaponiya Sport va fan universiteti, Xitoy jismoniy tarbiya va sport universiteti, Belerus davlat jismoniy tarbiya universiteti, Rossiya davlat jismoniy madaniyat, sport, yoshlar va turizm universiteti, P.F.Lestgaft nomidagi Sankt-Peterburg davlat jismoniy madaniyat, sport va salomatlik universiteti, Germaniyaning “Lukas Moric” nomidagi tennis akademiyasi bilan hamkorlik aloqalari o‘rnatilgan.
Kafedraning istiqboldagi rejalariga muvofiq, sport turlari bo‘yicha ilmiy-uslubiy adabiyotlarni yozish va nashrdan chiqarish (darslik, o‘quv qo‘llanma o‘quv-uslubiy qo‘llanma, uslubiy tavsiyanomalar), xorijiy ta’lim muassasalarida bilim olish va malaka oshirish, amaliyot o‘tashda kafedra professor-o‘qituvchilarning ishtirokini ta’minlash, universitet professor-o‘qituvchilari va talabalar o‘rtasida sport turlari bo‘yicha sport tadbirlari tashkil etish, o‘quv-mashg‘ulot jarayoninig o‘quv-uslubiy va ilmiy-uslubiy kompleksini ishlab chiqish uchun kafedra professor – o‘qituvchilari, olimlar, sport o‘yinlari bo‘yicha respublika oliy sport mahorati maktabi sport mutaxassislaridan tashkil topgan kompleks ilmiy guruhlarini tuzish va o‘tkazishdan iborat.
Bugungi kunda kafedra professor-o‘qituvchilari tomonidan quyidagi fanlar o‘qitiladi:
KAFEDRA PROFESSOR-O'QITUVCHILARI TOMONIDAN CHOP ETILGAN ADABIYOTLAR
PROFESSOR O`QITUVCHILAR TARKIBI
Kafedra professor-o‘qituvchilarining tayanch ma’lumoti, ilmiy daraja, ilmiy unvon va ixtisosliklari kafedra ixtisosligiga mos keladi. Kafedrada: kafedra mudiri,1 nafar professor 1 nafar dotsent, 4 nafar katta o‘qituvchi va 4 nafar o‘qituvchilar faoliyat olib borishmoqda.
Kafedra mudiri: G‘aniyeva Marhabo Yuldash qizi
E-mail: marhaboganiyeva92@ gmail.com
Kafedra dotsenti: Ahmedova Nafisa Isoxodjayevna
E-mail: n.ahmedova@uzdjtsu.uz
Kafedra professori: Saidova Shahnoza Djuravayevna
Telefon: +998 (91) 778 79 07
E-mail: Sh.Saidova@uzdjtsu.uz
Kafedra katta o‘qituvchisi: Azamatov Abdullo Isoxo‘ja o‘g‘li
E-mail: A.Azamatov@uzdjtsu.uz
Kafedra katta o‘qituvchisi: Umaraliyeva Feruza Tulkunovna
E-mail: f.umaraliyeva@uzdjtsu.uz
Kafedra katta o‘qituvchisi: Xolmatov Bekzod O‘ralоvich
E-mail: B.Xolmatov@uzdjtsu.uz
Kafedra o‘qituvchisi: Djalilova Manzura Ilhamovna
Kafedra o‘qituvchisi: Maxmaraimov Jasur Jumanazarovich.
Sport ustasi, Kafedra o‘qituvchisi
Ne’matullayev Iqbol Ilyos o‘g‘li
Email: nematullayeviqbol89@gmail.com
Kafedra o‘qituvchisi: Karimova Gulmira Salim qizi
Elektron pochta gulmira_karimova77@gmail.com
Kafedra katta o‘qituvchisi Turobov Hatamjon Xusanboyevich
Email: turobov1986@gmail.com
©
Saytdagi materiallardan to`liq yoki qisman foydalanilganda, ushbu resursga havola etilishi shart
© 2024 O`zbekiston davlat jismoniy tarbiya va sport universiteti
O`zbek tili
Русский
English