O‘zbekiston davlat jismoniy tarbiya va sport universiteti hamda O‘zbekiston qishki sport turlari assosiatsiyasi o‘rtasida hamkorlik memorandumi imzolandi

O‘zbekiston davlat jismoniy tarbiya va sport universitetida qishki sport turlarini rivojlantirish, yuqori malakali sportchilar va mutaxassis kadrlar tayyorlash, shuningdek, ilm-fan va amaliyot integratsiyasini kuchaytirishga qaratilgan muhim hamkorlik yo‘lga qo‘yildi.

🌎Tashrif doirasida O‘zbekiston davlat jismoniy tarbiya va sport universiteti rektori R.Matkarimov hamda O‘zbekiston qishki sport turlari assosiatsiyasi bosh kotibi E.Tajimov o‘rtasida o‘quv-mashg‘ulot jarayonlari, ilmiy-uslubiy faoliyat va innovatsion texnologiyalar asosida qishki sport turlarini yanada takomillashtirish bo‘yicha o‘zaro hamkorlik Memorandumi imzolandi.

👦Mazkur memorandum qishki sport turlarini rivojlantirish, yuqori mahoratli sportchilar va kadrlar tayyorlash tizimini takomillashtirish, o‘quv-mashg‘ulotlarni ilmiy asosda tashkil etish, murabbiylar malakasini oshirish hamda terma jamoalar bilan samarali ishlashga xizmat qiladi.

🔶Shuningdek, hamkorlik doirasida qishki sport turlari moddiy-texnik bazasini mustahkamlash, universitet talabalarini istiqbolda yuqori malakali mutaxassis sifatida tayyorlash, iqtidorli talabalar va professor-o‘qituvchilarni dolzarb muammolar yechimiga qaratilgan ilmiy tadqiqotlarga jalb etish ko‘zda tutilgan.

✅Ayniqsa, bugungi kunda davlatimiz rahbari tomonidan sportni rivojlantirishda asosiy mezon faqat son emas, balki sifat va natija bo‘lishi kerakligi alohida ta’kidlanayotgani ushbu hamkorlikning ahamiyatini yanada oshirmoqda. Shu bilan birga, “mahalla – maktab – sport muassasasi – federatsiya” zanjiri asosidagi yangi tizim, dual ta’lim asosida murabbiylar tayyorlash hamda sport sohasida ilm-fan, tibbiyot va sun’iy intellekt imkoniyatlaridan foydalanish kabi ustuvor yo‘nalishlar memorandum mazmuni bilan uyg‘unlik kasb etadi.

➡️Mazkur memorandum qishki sport turlarini yangi bosqichga olib chiqish, zamonaviy yondashuvlarni joriy etish va milliy sportimiz nufuzini yanada oshirishda muhim ahamiyat kasb etadi.