Sport psixologiyasi va pedagogika kafedrasi vakillari FIDE Arbiter (Xalqaro hakam) unvoniga sazovor bo‘ldi.

O‘zbekiston davlat jismoniy tarbiya va sport universiteti Sport psixologiyasi va pedagogika kafedrasi dotsenti Jumanov Elbek hamda ushbu kafedraning 4-kurs talabasi Yusupov Sarvar xalqaro shaxmat federatsiyasi — FIDE tomonidan beriladigan nufuzli FIDE Arbiter (Xalqaro hakam) unvoniga ega bo‘ldilar.

🏆Mazkur yutuq universitetimiz professor-o‘qituvchilarining yuqori kasbiy saviyasi, ilmiy-pedagogik faoliyatdagi fidoyiligi, shuningdek, shaxmat sportini rivojlantirish va tashkilotchilik yo‘nalishida olib borayotgan izchil mehnati natijasidir. Talabaning ushbu marraga erishgani esa yoshlarning ilmiy-amaliy hamda sport salohiyatini yuksaltirish borasida universitetda yaratilgan imkoniyat va qo‘llab-quvvatlash tizimining amaliy samarasini ko‘rsatadi.