⚡️ Bugun, 29-noyabr kuni universitetda Kengashining navbatdan tashqari kengaytirilgan yig‘ilishi bo‘lib o‘tdi.

✅ Universitet rektori Rashid Matkarimov, universitet filiallari direktorlari, prorektorlar, kafedra mudirlari, bo‘lim boshliqlari, Kengash a’zolari hamda professor-o‘qituvchilar ishtirokida o‘tkazilgan yig‘ilish avvalida Oʻzbekiston Respublikasi Prezidentining yoshlar, fan, taʼlim, sogʻliqni saqlash va sport masalalari boʻyicha maslahatchisi Abdurahmonov Odil Qalandarovich tomonidan bugun o‘tkazilgan yig‘ilishda oliy ta'lim, ilm-fanni rivojlantirish, yoshlarni har tomonlama barkamol avlod sifatida  tarbiyalsh bo‘yicha belgilab berilgan strategik vazifalar ijrosini ta'minlash hususida to‘xtalib, bajarilishi lozim bo‘lgan masalalar belgilab olindi.

Shundan so‘ng, universitet rektori tomonidan sohada qabul qilingan normativ-huquqiy hujjatlar, universitetda sentyabr-noyabr oylari davomida amalga oshirilgan ishlar bo‘yicha axborot berilib, shu haqdagi qisqa viderolik namoyish etildi. 
 
Bundan tashqari kun tartibidagi muhim masalalar, jumladan, sohaga oid qaror va buyruqlar ijrosi, Professor-o‘qituvchilarning dars jarayonini tashkil etishi hamda davomat masalalari, universitetni top-1000 talikka kiritish borasida amalga oshirilayotgan ishlar borasidagi hisobotlar tinglandi.
 
Shuningdek, ma’naviy-ma’rifiy,  o‘quv-uslubiy yo‘nalishlar bo‘yicha amalga oshiriladigan ustuvor vazifalarga alohida to‘xtalib o‘tildi.
 
O‘z navbatida, kun tartibidagi boshqa muhim masalalar yuzasidan mas’ullar hisoboti tinglandi. Tahliliy-tanqidiy ruhda bo‘lib o‘tgan yig‘ilish yakunida Universitetda bir necha yillar davomida faoliyat yuritib kelayotgan bir guruh professor-o‘qituvchilarga ilmiy daraja va unvonlar topshirildi.