OʻzDJTSUda sport turlari boʻyicha ichki chempionatlar tashkil etilmoqda!

#kafedra_birinchiligi

Sportchilar oilasida soʻnggi vaqtlarda talaba-yoshlar orasida sportni qadriyat sifatida shakllantirish va sogʻlom turmush tarzini keng targʻib qilishga qaratilgan sport turlari boʻyicha universitet ichki chempionatlari tashkil etilmoqda.

Jumladan, kecha 28-fevral kuni Oʻzbekiston davlat jismoniy tarbiya va sport universitetida kurash  va belbogʻli kurash sport turi boʻyicha talabalar oʻrtasida Milliy kurash turlari nazariyasi va uslubiyati  kafedrasi Ochiq birinchiligi musobaqasi oʻtkazildi.

Dastalab, musobaqani universitet rektori R.Matkarimov kirish so‘zi ochib berdi. Shundan so‘ng tadbirda Oʻzbekiston Belbogʻli kurash federatsiyasi raisi R.Dastirov, Chirchiq shahar prokurori o‘rinbosari A.Ismoilov, kafedra faxriy o‘qituvchisi, professor O.Taymurodov so‘zga chiqib, musobaqa ishtirokchilariga kurash sportining dunyo hamjamiyatida tutgan oʻrini, sportchilarimiz tomonidan qoʻlga kiritilayotgan yutuqlar shuningdek, ushbu sport turining xalqaro musobaqalar dasturiga kiritilishi yuzasidan yurtimizda olib borilayotgan amaliy ishlar to‘g‘risida o‘zlarining fikrlarini bildirdi.

Shundan soʻng turli vazn toifalarida bellashuvlar boshlanib, unda 200 ga yaqin polvonlar gʻoliblik uchun kurash olib borishdi.

Yakunda gʻolib va sovrindorlarga diplom, medal hamda esdalik sovgʻalari topshirildi.