#tadbir
Bugun O‘zbekiston davlat jismoniy tarbiya va sport universitetida 3-dekabr – Xalqaro nogironlarni himoya qilish kuni” munosabati bilan “Chegarasiz hayot! deb nomlagan bayram tadbiri o‘tkazildi.
Oliygoh prorektorlari, fakultet dekanlari, professor-o‘qituvchilar, tyutorlar, turli madaniy markaz vakillari hamda talabalar ishtirokida bo‘lib o‘tgan tadbirda, Adaptiv jismoniy tarbiya va parasport kafedrasining ham sportda ham jamoaviy ishlarda o‘zlarining faolligi, namunali xulqi bilan tengdoshlariga o‘rnak bo‘lib kelayotgan bir guruh imkoniyati cheklangan talaba-yoshlari taqdirlandi. Ularga rahbariyat tomonidan tashakkurnoma, esdalik sovg‘alari hamda maxsus aravachalar taqdim etildi.
Tadbir davomida so‘zga chiqqanlar, bunday matonat egalaridagi iroda va kelajakka bo‘lgan yuksak ishonchni alohida qayd etishdi. Shuningdek, taniqli shoir Ahmad Nazar ijodidan tinglangan namunalar, qolaversa iqtidorli talabalarning badiiy va ko‘rgazmali chiqishlari ham tadbirga o‘zgacha fayz qo‘shdi.