O‘zDJTSU jamaosi Jizzax davlat pedagogika universitetida o‘tkazilgan ilmiy konfrensiyada ishtirok etdi

#ilmiy_konfrensiya

Joriy yilning 27-noyabr kuni Jizzax davlat pedagogika universitetida “Ta’lim tizimida jismoniy tarbiya va sportni ommaviylashtirishning dolzarb muammolari” mavzusidagi ilmiy-amaliy konferensiya o‘tkazildi.

Unda universitet rahbariyati hamda respublikamizning turli viloyatlaridan taklif qilingan soha mutaxassislari va olimlar, shuningdek, O‘zbekiston davlat jismoniy tarbiya va sport universitetining Ilmiy ishlar va innovatsiyalar bo‘yicha prorektori B.Musayev boshchiligidagi oliygoh o‘qituvchilari ham ishtirok etishdi.

Mazkur konfrensiya davomida universitetimiz vakillarining jismoniy tarbiya va sport sohasidagi dolzarb masalalarga qaratilgan ma’ruzalari anjuman qatnashchilarining diqqat markazida bo‘ldi. Yakunda barcha konfrensiya qatnashchilariga maxsus sertifikatlar topshirilib, universitet bo‘ylab sayohat tashkil etildi.