O‘zDJTSU dzyudo bo‘yicha Xalqaro turnirga mezbonlik qildi

#xalqaro_turnir

2023-yil 25-26 noyabr kunlari O‘zbekiston davlat jismoniy tarbiya va sport universitetida 2007-2008 hamda 2009-2010 yillarda tug‘ilgan o‘g‘il bolalar va qizlar o‘rtasida dzyudo bo‘yicha sport ustasi Aziz Saidov xotirasiga bag‘ishlangan III Xalqaro Samuray turniri bo‘lib o‘tdi.

Turnir davomida O‘zbekiston, Tojikiston, Qirg‘iziston, Qozog‘iston hamda Yaman davlatlaridan 350 nafarga yaqin yosh dzyudochilar g‘oliblik uchun kurashishdi.

Musobaqa yakunida esa Toshkent viloyati dzyudo federatsiyasi tomonidan mazkur xalqaro turnirni tashkil etish hamda uni yuqori saviyada o‘tkazishda amaliy yordam ko‘rsatgan O‘zbekiston davlat jismoniy tarbiya va sport universitetining bir qator rahbar xodimlari va professor-o‘qituvchilariga tashakkurnomalar topshirildi.