Millatlararo totuvlik va diniy bag‘rikenglik - tinchligimiz garovi

#davra-suhbati

Bugun O'zbekiston davlat jismoniy tarbiya va sport universitetida "Millatlararo totuvlik va diniy bag‘rikenglik - tinchligimiz garovi" mavzuda bir guruh faol talaba-yoshlar bilan davra suhbati o‘tkazildi.

“Bag‘rikenglik haftaligi” doirasida tashkil qilingan mazkur tadbirda Chirchiq shahridagi Tojik milliy markazi vakillari hamda universitet mas’ullari tomonidan bugungi kunda mamlakatimizda 140 ga yaqin millat va elat vakillari yashayotganligi, millatlararo totuvlik g‘oyasi esa umumbashariy qadriyat bo‘lib xizmat qilishi borasida fikrlar bildirildi.

Shuningdek, suhbat davomida talabalarni millatlararo totuvlik va diniy bag‘rikenglik ruhida tarbiyalash, ularga tinchlik eng oliy ne’mat ekanligini anglatish tadbirning bosh maqsadi sifatida qayd etildi. Suhbat so‘ngida esa markaz vakillari ijrosida kuylangan milliy kuy-qo‘shiqlar yig‘ilaganlarga xush kayfiyat ulashdi.