Kuni kecha O‘zbekiston davlat jismoniy tarbiya va sport universiteti Sport o‘yinlari fakulteti talabalari va universitet rahbariyati o‘rtasida uchrashuv bo‘lib o‘tdi.
Unda universitet Yoshlar masalalari va ma’naviy’ma’rifiy ishlari bo‘yicha birinchi prorektor Sh.Mirzanov, sport o‘yinlari fakulteti dekani N.Dusanov, oliygoh huquqiy targ‘ibot maskani inspektori N.Agabekov, professor-o‘qituvchilar hamda talabalar ishtirok etishdi.
Tadbir davomida talaba-yoshlar orasida huquqbuzarlik va jinoyatchilikning oldini olish, ularning universitet ichki tartib-qoidalariga doimiy rioya qilishlari, eng asosiysi turli diniy ekstremizim hamda ijtimoiy tarmoqlar orqali yoshlar ongini zaharlashga sabab bo‘ladigan yod g‘oyalar ta’siriga tushib qolmaslik va har qanday nojo‘ya harakatga jazo muqarrar ekanligi bo‘yicha tushuntirish ishlari olib borildi.