Ilmiy ishda ilk qalamlar!

Bugun O‘zbekiston davlat jismoniy tarbiya va sport universitetida tahsil olayotgan iqtidorli talaba-yoshlar ishtirokida ilmiy seminar-trening tashkil etildi.

Seminar davomida Xalqaro kurash turlari nazariyasi va uslubiyati kafedrasi dotsenti Shukurjon Gaziyev tomonidan “Ilmiy ishda ilk qalamlar” mavzusida taqdimot qilindi va unda ilmiy maqola yozish tartibi hamda muhim jihatlari to‘g‘risida zaruriy tushunchalarga alohida urg‘u berildi. Shuningdek, Iqtidorli talabalarning ilmiy-tadqiqot faoliyatini tashkil etish bo‘limi xodimlari ham talabalar uchun tashkil etiladigan barcha ko‘rik-tanlovlar haqida batafsil maʼlumotlarni keltirib o‘tishdi.

Yakunda esa seminar-treningda faol ishtirok etgan talabalar sertifikat bilan taqdirlanishdi.