#Zakovat_ligasi
O‘zbekiston davlat jismoniy tarbiya va sport universiteti talaba-yoshlarining sevimli intelektual mashg‘ulotiga aylanib ulgurgan Zakovat ligasining bu galgi turi boshqalaridan farqli o‘laroq biroz murakkab kechdi.
Xususan:
“Football 1” jamoasi 4-turda ancha qiyinchilikga duch keldi va o‘tgan turlardagidan ko‘ra kamroq ball to‘plashdi, ammo umumiy hisob bo‘yicha hamon ushbu jamoa 1-pog‘onada kelmoqda.
“Kometa” jamoasi ham bu turda omadsizlikga uchrab, atiga 3 ochko jamg‘arishdi. Umumiy natija bo‘yicha esa 2-o‘rinda bormoqda.
4-turning yetakchisiga aylangan “Forward” jamoasi bu turda barcha jamoalardan ko‘ra yaxshiroq natija qayd etishdi va 3-o‘ringa ko‘tarilib oldi. “Forward” jamaosi endi kuchli uchliklar safida.
“Psixologlar” jamoasi o‘zining kuchli uchtalikdagi o‘rnini “Forward” jamoasiga boy berib, hozirda 4-pog‘onaga tushib qoldilar.
“Avitsenna” va “Gippokrat” jamaolari teng kurashlar ostida 5-o‘rin bilan cheklanib turishibdi. Natijalari yomon emas.
“Football 2” jamoasi esa afsuski quyi pog‘onani hech qaysi jamoalarga berishgani yo‘q!
“Lider” jamaosi oldinga siljish jarayonida. Bu jamoa “Futbol fakulteti” jamoasiga yetib oldi va teng ball jamg‘arib turibdi.
“Oskar” jamoasi esa hamon “olamni suv bossa, o‘rdakka ne g‘am deganlaridek” hech qanday o‘zgarishsiz minimal ballar bilan o‘zining 9-pog‘onasida kelmoqda.
“Renessans” jamaosi sekin-astalik bilan qolgan nomiga munosib harakat qilgan holda “uyg‘onib” boshqa jamoalar bilan raqobat qilishga kirishdilar. Jumladan 4-turda bu jamoa ba’zi ishtirokchilar bilan teng ball jamg‘arishdi. Keyingi turlarda ulardan yanada yaxshi natija kutib qolamiz.
Yuqorida jamoalarning to‘plagan ballari va turnir jadvali bilan tanishishingiz mumkin.