Kuni kecha O‘zbekiston davlat jismoniy tarbiya va sport universitetida oliygoh hududidagi mahallalar xotin-qizlari o‘rtasida voleybol sport turi bo‘yicha musobaqa o‘tkazildi.
Unda Chirchiq shahrining 1-sektoridagi mavjud 10 ta mahallalarda istiqomat qilayotgan xotin-qizlar ishtirok etib, o‘zlarining voleybol sport turidagi mahoratlari va epchilliklarini namoyish etishdi.
Ma’lumot o‘rnida, ushbu musobaqa O‘zbekiston Respublikasi Prezidentining 2022-yil 3-noyabrdagi “Jismoniy tarbiya va sport sohasida kadrlarni tayyorlash hamda ilmiy tadqiqotlar tizimini yanada takomillashtirish chora-tadbirlari to‘g‘risida”gi Qarori ijrosini ta’minlash, shuningdek, aholini sportga keng jalb qilish hamda xotin-qizlar orasida sog‘lom turmush tarzini yanada rivojlantirish maqsadida tashkil etildi.