Kuni kecha O'zDJTSU sport majmuasi (Manej)da Butun jahon taekvondo akademiyasi a’zosi hamda O‘zDJTSUning Taekvondo WT professori, 8-DAN qora belbog‘ sohibi Baek Mun Jong hamda Taekvondo WT, karate WKF nazariyasi va uslubiyati kafedrasi professor-o‘qituvchilari tomonidan talaba-yoshlar uchun seminar-trening tashkil etildi.
Seminar-trening davomida Taekvondo WT sport turini keng ravishda ommalashtirish, malakali murabbiylarni tayyorlash, shu bilan birga yoshlarni ushbu sport turiga bo‘lgan qiziqishlarini yanada oshirish kabi muhim masalalarga alohida urg‘u berildi va o‘ziga xos amaliy mashg‘ulot jarayonlari ham olib borildi.