O‘zDJTSU sortchilari chinakamiga zamonamiz qahramonlariga aylanib bormoqda!

Kuni kecha O‘zbekiston davlat jismoniy tarbiya va sport universiteti, Mahalla va Nuroniylarni qo‘llab-quvvatlash vazirligi Toshkent viloyati boshqarmasi jamoatchilik kengashi bilan hamkorlikda Chirchiq shahrida joylashgan 71201 harbiy qismda “Zamonamiz qahramonlari, biz siz bilan faxrlanamiz” mavzusida O‘zbekiston sporti rivojiga hissa qo‘shgan bir guruh sportchilar ishtirokida uchrashuv tashkil etildi.

Unda O‘zbekiston davlat jismoniy tarbiya va sport universiteti Kurash fakulteti sportchilari, belbog‘li kurash bo‘yicha ko‘pkarra Jahon chempioni Z.Artiqov, belbog‘li kurash bo‘yicha O‘zbekiston chempioni, Xalqaro turnerlar g‘olibi I.Isayev, belbog‘li kurash bo‘yicha Jahon chempionati sovrindori O.Amatbayev va ko‘pkarra O‘zbekiston chempioni G‘.Rahimboyev hamda harbiylar ishtirok etishdi.

Uchrashuv davomida chempionlarimiz har gal g‘oliblik shohsuppasiga chiqqanlarida o‘zlarida qanday kechinmalarni his etganliklari, shuningdek, butun dunyo bo‘yicha tan olinayotgan milliy kurash sporti orqali ona Vatanga bo‘lgan cheksiz mehr-muhabbatlari haqida harbiy xizmatchilarga o'zgacha zavq bilan so‘zlab berdilar.