QABUL_2026: O‘zDJTSUda kasbiy (ijodiy) imtihon jarayonlari Sport vaziri A.Ikramov tomonidan kuzatib borildi.

Bugun, 2026-yil 7-iyul kuni O‘zbekiston davlat jismoniy tarbiya va sport universitetida 2026/2027-o‘quv yili uchun alohida iqtidor talab etiladigan kunduzgi ta’lim yo‘nalishlariga kasbiy (ijodiy) imtihonlarning ikkinchi kuni bo‘lib o‘tmoqda.
 
✅Imtihon jarayonlari Sport vaziri A. Ikramov hamda universitet rektori R. Matkarimov ishtirokida kuzatildi.
 
🟢Jarayonlar davomida mutasaddilar abituriyentlar, ularning ota-onalari va yaqinlari bilan muloqot qildi. Suhbatlar chog‘ida ota-onalar hamda abituriyentlarning imtihonlarning ochiqlik va shaffoflik tamoyillari asosida tashkil etilayotgani yuzasidan bildirgan fikr-mulohazalari Sport vaziri A. Ikramov tomonidan tinglandi. Shuningdek, vazir barcha abituriyentlarga imtihonlarda omad va yuksak natijalar tiladi.
 
⏺Imtihon jarayonlarida har bir abituriyentning iqtidori, jismoniy tayyorgarligi, texnik va taktik ko‘nikmalari xolis va aniq mezonlar asosida baholanishi qat’iy nazoratga olingan bo‘lib, imtihon natijalari ERP sport platformasi orqali real vaqt rejimida planshetlar orqali kiritiladi va bunda har bir abituriyentning shaxsiy natijasi avtomatik ravishda ro‘yxatdan o‘tkazilgan mobil telefon raqamiga SMS ko‘rinishida yuboriladi.

📹Imtihon jarayonlarini https://www.jtsu.uz/uz/e/admission-pages/5275-ijodiyimtihonkuzatuv havolasi orqali onlayn kuzatib borish mumkin!