⭐️Yoshlarni giyohvandlik va narkojinoyatlardan himoya qilish maqsadida jazoni ijro etish muassasasiga borildi.

🇺🇿O‘zbekiston Respublikasi Prezidentining 2025-yil 3-noyabrdagi “Aholi salomatligi va millat genofondini giyohvandlik va narkojinoyatlardan samarali himoya qilish bo‘yicha kompleks chora-tadbirlar to‘g‘risida”gi PF–207-son Farmoni ijrosini ta’minlash, shuningdek, yoshlar o‘rtasida sog‘lom turmush tarzini shakllantirish, ularni turli zararli illatlardan, xususan giyohvandlik va narkojinoyatlardan ogoh etish maqsadida Respublika hududidagi jazoni ijro etish muassasalariga oliy ta’lim muassasalari talabalarini olib borish bo‘yicha tizimli tadbirlar amalga oshirilmoqda.

🇺🇿Mazkur topshiriq ijrosini ta’minlash doirasida O‘zbekiston davlat jismoniy tarbiya va sport universiteti talabalari Toshkent viloyati, Ohangaron tumani, Galaquduq qo‘rg‘onida joylashgan 48-son Manzilli koloniyaga tashrif buyurdilar. 

📑Tashrif davomida talabalarga jazoni ijro etish muassasalarining faoliyati, mahkumlar bilan olib borilayotgan tarbiyaviy va ijtimoiy-reabilitatsiya ishlari, shuningdek, giyohvandlik vositalari va psixotrop moddalarning inson salomatligi hamda jamiyat taraqqiyotiga yetkazadigan salbiy oqibatlari haqida batafsil ma’lumotlar berildi.

👧Mazkur ma’rifiy tadbir yoshlar ongida huquqiy madaniyatni yuksaltirish, ularni giyohvandlik va boshqa zararli illatlarga qarshi mafkuraviy immunitetini mustahkamlash, shuningdek, sog‘lom va faol hayot tarziga undashga xizmat qildi. Kelgusida ham bu kabi ma’naviy-ma’rifiy tadbirlarni izchil davom ettirish rejalashtirilgan.