O‘zDJTSUda korrupsiyaga qarshi kurashish borasida profilaktik tadbir o‘tkazildi.

O‘zbekiston Respublikasi Sport vazirligining 2025-yil 11-noyabrdagi 04-28/12232-sonli topshiriq xati ijrosini ta’minlash maqsadida O‘zbekiston davlat jismoniy tarbiya va sport universiteti Korrupsiyaga qarshi kurashish “Komplaens-nazorat” tizimini boshqarish bo‘limi tomonidan huquqni muhofaza qiluvchi idoralar vakillari bilan hamkorlikda profilaktik tadbir o‘tkazildi.

✔️Tadbirda korrupsiya va boshqa turdagi jinoyatlar hamda huquqbuzarliklarning oldini olish, ularning oldindan barvaqt aniqlanishini ta’minlash, shuningdek, bu kabi holatlar yuzaga kelganda yuqori turuvchi rahbarlarga o‘z vaqtida xabar berishning ahamiyati batafsil tushuntirildi.

🟢Yig‘ilish davomida O‘zbekiston Respublikasining “Korrupsiyaga qarshi kurashish to‘g‘risida”gi Qonunining 26-moddasi talablari yoritilib, unda davlat organlari xodimlari korrupsiyaga oid huquqbuzarlik sodir etishga undash maqsadida ularga murojaat qilingan har qanday holat haqida o‘z rahbarini xabardor etishi shartligi qayd etildi. 

✅Shuningdek, boshqa xodimlar tomonidan sodir etilgan yoki ma’lum bo‘lib qolgan shunga o‘xshash huquqbuzarliklar haqida ham rahbariyatni ogohlantirish majburiy ekani ta’kidlandi.

➡️Bundan tashqari, O‘zbekiston Respublikasi sport vazirining 2024-yil 25-iyundagi 01/1021-A/F-sonli buyrug‘i bilan tasdiqlangan Sport vazirligining korrupsiyaga qarshi kurashish siyosati hamda vazirlik tizimi xodimlarining odob-ahloq qoidalari mazmuni tushuntirildi. Unga ko‘ra, xodimlar tomonidan jinoyat yoki boshqa huquqbuzarlik sodir etishga undovchi murojaatlar haqida, shuningdek, hamkasblar tomonidan sodir etilgan yoki tayyorlanayotgan qonunbuzilishlar haqida rahbarga zudlik bilan xabar berish tartibi belgilangan.

🟡Mazkur profilaktik tadbir universitet jamoasida korrupsiyaga nisbatan murosasiz munosabatni shakllantirish, huquqiy madaniyatni oshirish va halollik muhitini mustahkamlashga xizmat qildi.