🇺🇿🇰🇷O‘zDJTSU va Kukkiwon: xalqaro aloqalarda yangi bosqich boshlandi!

#tashrif

✔️Ma’lumki, bugungi kunda O‘zbekiston va Janubiy Koreya o‘rtasidagi ochiq va do‘stona muloqotlar mamlakatlarimiz va xalqlarimiz o‘rtasidagi munosabatlarni yangi bosqichga ko‘tarish imkonini bermoqda. Ayniqsa, ushbu hamkorlik aloqalari ko‘lami ta’lim, fan, madaniyat hamda sport kabi qator yo‘nalishlarda ham yangi bosqichga chiqib ulgurgan.

📍Xususan, O‘zbekiston davlat jismoniy tarbiya va sport universiteti ham Janubiy Koreyaning bir qator nufuzli oliy ta’lim muassasalari bilan bir qatorda turli sport tashkilotlari bilan ham hamkorlik aloqalarini yo‘lga qo‘ymoqda.

✔️Jumladan, bugun, 11-iyun kuni O‘zbekiston davlat jismoniy tarbiya va sport universitetiga Butunjahon “Kukkiwon” taekvondo akademiyasi Prezidenti Lee Dong Sup boshchiligidagi delegatsiya tashrif buyurdi.

🤔Faxriy mehmonlar universitet rektori Rashid Matkarimov boshchiligidagi universitet jamoasi tomonidan munosib kutib olinib, tomonlar o‘rtasida uchrashuv bo‘lib o‘tdi.

💬Dastlab, faxriy mehmonlar universitet tarix muzeyini ko‘zdan kechirib, muzeydagi eksponatlar bilan yaqindan tanishdi. Shundan so‘ng tomonlar O‘zbekiston va Janubiy Koreya o‘rtasidagi do‘stona aloqalar nafaqat siyosiy-iqtisodiy, balki ta’lim, madaniyat va sport sohasida ham keng ravishda olib borilayotgani alohida qayd etib, kelgusida O‘zbekistonda taekvondo sportini yanada rivojlantirish bo‘yicha qo‘shma loyihalarni amalga oshirish, talabalar va sportchilar almashinuvi dasturlari hamda birgalikda trening va seminarlar tashkil etish bo‘yicha takliflar bildirildi. 

🎓Rasmiy uchrashuv so‘ngida Butunjahon “Kukkiwon” taekvondo akademiyasi Prezidenti Lee Dong Supga tantanali ravishda O‘zbekiston davlat jismoniy tarbiya va sport universiteti faxriy professori unvoni hamda esdalik sovg‘alari topshirildi.

🥋🎉Tashrif dasturidan o‘rin olgan akademiya sportchilari tomonidan taqdim etilgan o‘ziga xos ko‘rgazmali chiqishlari esa barchaning yuksak e’tirofi va olqishiga sazovor bo‘ldi.