IJTIMOIY-GUMANITAR FANLAR KAFEDRASI

KAFEDRA TARIXI

“Sport huquqi, ijtimoiy va tabiiy-ilmiy fanlar” kafedrasi “Falsafa”, “O‘zbekiston tarixi va demokratik jamiyat qurish nazariyasi va amaliyoti”, “Tabiiy-ilmiy fanlar” kafedralari asosida 2022-yilda tashkil qilingan. “Falsafa” kafedrasi 1956-yilda va “O‘zbekiston tarixi va demokratik jamiyat qurish nazariyasi va amaliyoti” kafedrasi 1973-yilda tashkil etilgan. “Falsafa” kafedrasining birinchi mudiri iqtisod fanlari nomzodi, dotsent V.P.Xalturina bo‘lgan. 1970-1990 yillarda kafedrada fan nomzodlari, dotsentlar: M.A.Aminova, A.Yu.Ziyamuxamedov, K.P.Irisboyev, S.V.Shapalova, Sh.G.Yaxyaev, o’qituvchilar A.S.Dinershteyn, E.I.Dolkart, M.B.Karimov, O.N.Starodubova, A.J.Sultonova, I.N.Usmonov, E.Yu.Eshmatovalar ish olib bordilar. Shu yillarda tarix fanlari nomzodi, dotsent E.M.Mavloniy, falsafa fanlari nomzodi, professor E.K.Shaternikov, falsafa fanlari nomzodi, dotsent A.M.Jalolov, falsafa fanlari nomzodi, dotsent X.M.Xasanova kafedra mudiri bo’lib ishladilar. 2018 yilgacha kafedrani falsafa fanlari nomzodi, dotsent Nazarov Nurali Normirzayevich boshqarib keldi.

“O‘zbekiston tarixi va demokratik jamiyat qurish nazariyasi va amaliyoti” kafedrasi 1973-yilda “Tarix” kafedrasi asosida tashkil etilib, unga tarix fanlari nomzodi, dotsent E.M.Mavloniy mudir etib tayinlangan. Kafedrada 1973-2014 yillar orasida E.Ayubjonov, K.I.Nurmuhammedov, M.A.Aminov, E.K.Shaternikov, A.Yu.Ziyamuhammedov, T.M.Mahmudov, G.R.Asatova, R.Xudoyberdiyev, J.H.G‘aniyev, B.B.Jahongirovlar rahbarlik qilib kelishgan. “Falsafa” va “O‘zbekiston tarixi va demokratik jamiyat qurish nazariyasi va amaliyoti” kafedralari O‘zbekiston Respublikasi Prezidentining 2017-yil 10-avgustdagi PQ-3197 sonli qarori asosida O‘zbekiston davlat jismoniy tarbiya institutining O‘zbekiston davlat jismoniy tarbiya va sport universiteti qilib qayta tashkil etilganligi sababli 2018-yilda “Ijtimoiy-gumanitar fanlar” kafedrasi sifatida yangidan tashkil qilindi. 2019-yilda kafedra nomi “Ijtimoiy fanlar va huquq” deb o’zgartirildi. Kafedra mudiri qilib f.f.n.dots N.Nazarov tayinlandi.

2022-yilda “Ijtimoiy fanlar va huquq” va “Tabiiy-ilmiy fanlar” kafedralarining qo‘shilishi natijasida “Sport huquqi, ijtimoiy va tabiiy-ilmiy fanlar” kafedrasi tashkil etildi. Hozirgi kunda kafedra mudiri p.f.b (PhD) dotsent F.M.Yaqubov bo‘lib, professor-o‘qituvchilari tarkibi yuqori salohiyatga ega. Unda L.P.Yugay, N.Nazarov, A.Akbarov, B.B.Jahongirov, A.Shopulatov, Sh.Djumaqulovlar professor, Y.А.Turdimurodov, U.X.Jumayev, N.R.Yusupova, S.I.Cho‘lliyev, Z.X.Yusupovalar dotsent, T.A.Turgunov, N.Mirdjamalova, А.G‘.Rasulov, M.H.Jumayev, N.S.Аbdikadirova, Dj.S.Nurullayeva, U.Burliyev, S.Ibragimova, I.V.Olxovskayalar katta o‘qituvchi, R.T.Kazoqov, M.G‘.Аʼzamova, I.I.Аbdullayev, Z.R.Xushvaqtov, S.R.Jabborova, K.A.Yuldasheva, B.O‘.Bo‘riyev, A.M.Djurabayev, B.Sh.Abdiyev, N.M.To‘rayevalar o‘qituvchi vazifalarida faoliyat ko‘rsatib kelmoqdalar.

Kafedra tomonidan jismoniy tarbiya va sport sohasida malakali kadrlar tayyorlashning ilmiy-pedagogik asoslari bo‘yicha ilmiy ishlar olib borilyapti. Ilmiy ishlar natijalari nafaqat MDH davlatlarida, balki xorijiy nashrlarda ham chop etilib kelinmoqda. Kafedrada 1 ta doktorlik dissertatsiyasi, 9 ta nomzodlik dissertatsiyalari, 48 ta magistrlik dissertatsiyasi va 50 dan ortiq diplom ishlari muvaffaqiyatli bajarilgan va yoqlangan. Hozirda kafedraning 7 nafar yosh o‘qituvchilari mustaqil izlanuvchi sifatida ilmiy tadqiqot ishlarini olib bormoqda. Professor-o‘qituvchilar tomonidan 500 dan ortiq ilmiy ishlar chop etilgan, kafedra xodimlari ilmiy maqolalari bilan respublika, xalqaro anjumanlarda va simpoziumlarda qatnashganlar. Shu bilan birga kafedra xodimlari darslik, qator monografiyalar va o‘quv qo‘llanmalar yaratib, ularda sport falsafasi, sport sotsiologiyasi, sport estetikasi, sport biomexanikasi, sport metrologiyasining maqsad va vazifalari keng yoritib kelinmoqda.

PROFESSOR-O‘QITUVCHILАR TАRKIBI

Kafedra professor-o‘qituvchilarining tayanch maʼlumoti, ilmiy daraja, ilmiy unvon va mutaxassisliklari kafedra ixtisosligiiga mos keladi. Kafedrada 31,5 shtat birligi mavjud bo‘lib, ulardan: kafedra mudiri, 4 nafar professor, 6 nafar dotsent, 9 nafar katta o‘qituvchi va 10 nafar oʼqituvchilar faoliyat olib borishmoqda.