Olingan bilimlarning sarhisob qilinishi davom etmoqda!

Ayni damda universitetda bakalavriyat ta’lim yo‘nalishlari bo‘yicha bitiruvchi talabalarining to‘rt yillik olgan bilim va ko‘nikmalari, shuningdek, malakaviy darajasining sinovdan o‘tkazilishi, ya’ni yakuniy davlat attestatsiyalarini topshirish jarayoni davom etmoqda. 

Mazkur jarayon, yakuniy davlat attestatsiyasi komissiyalari tarkibiga sohadagi amaliy tajribaga ega bo‘lgan mahalliy mutaxassislarning ham jalb qilinilishi bilan ahamiyatlidir.

Kelajagi porloq bo‘lgan bitiruvchilarning barchasiga yakuniy davlat attestatsiyalarini muvaffaqiyatli topshirishlarida ulkan zafarlar tilab qolamiz!

Ma’lumot uchun, yakuniy davlat attestatsiyasi sinovlari jarayoni joriy yilning 14-iyun sanasidan boshlangan bo‘lib, u onlayn rejimda ham ovozli videotranslatsiya qilinmoqda.