“Jaholatga qarshi ma’rifat bilan kurash”

2026-yil 10-fevral kuni talabalarni yot g‘oyalar ta’siriga tushib qolishining oldini olish hamda ijtimoiy-ma’naviy muhitni sog‘lomlashtirish maqsadida “Jaholatga qarshi ma’rifat bilan kurash” mavzusida ma’naviy-ma’rifiy tadbir tashkil etildi.

🌎Mazkur tadbir O‘zbekiston Respublikasi Din ishlari bo‘yicha qo‘mitasining Toshkent viloyati hududiy boshqarmasi bosh mutaxassisi V. Xamidov, universitetning talabalar orasida ijtimoiy-ma’naviy muhit barqarorligini ta’minlashga mas’ul rektor maslahatchisi G‘. Yavkachov hamda profilaktika inspektorlari hamkorligida o‘tkazildi.

🗣Tadbir davomida yoshlarni turli yot va zararli g‘oyalardan asrash, ularning ongida sog‘lom dunyoqarashni shakllantirish, diniy bag‘rikenglik, o‘zaro hurmat va totuvlik tamoyillarini mustahkamlash masalalariga alohida e’tibor qaratildi. Shuningdek, ajdodlarimiz merosida bag‘rikenglik va insonparvarlik g‘oyalari keng o‘rin olgani misollar asosida tushuntirildi.

✔️Ishtirokchilar o‘rtasida ochiq muloqot tashkil etilib, talabalar o‘zlarini qiziqtirgan savollarga mutaxassislardan atroflicha javob oldilar. 

➡️Tadbir yoshlar orasida ma’naviy-ma’rifiy ishlar samaradorligini oshirish, erkin fikr almashish muhitini yaratish hamda sog‘lom ijtimoiy-ma’naviy muhitni mustahkamlashga xizmat qildi.