🤼‍♀️O‘zbekiston davlat jismoniy tarbiya va sport universiteti "KUKKIWON" Markaziy akademiyasining O‘zbekiston filiali bilan hamkorlikda 2026-yil 28-yanvar kunidan boshlab “TAEKWONDO” sport turi bo‘yicha namoyishli amaliy seminar mashg‘ulotlarini tashkil etdi.

✅Mazkur seminar taekvondo sport turi bo‘yicha yangi joriy etilgan musobaqa qoidalari, shuningdek, sportchilarni texnik tayyorlashning dolzarb masalalariga bag‘ishlangan bo‘lib, unda “Pumse”, “Kyorugi” va “Shibom” yo‘nalishlari qamrab olinmoqda.

🟢Tadbir doirasida mazkur sohada faoliyat yuritayotgan yetakchi mutaxassislar va ekspertlarni birlashtirish, ularning o‘zaro tajriba almashishlari hamda kasbiy aloqalarni mustahkamlashlari ko‘zda tutilgan. Namoyishli amaliy seminar dasturidan nazariy va amaliy mashg‘ulotlar, shuningdek, interaktiv muhokamalar o‘rin olgan.

➡️Seminarning asosiy yo‘nalishlari:
➡️Kyorugi bo‘yicha seminar
➡️Hakamlar (sudyalik) seminari
➡️Pumse bo‘yicha seminar
➡️Namoyishli seminar

⚡️Mazkur seminar ishtirokchilarning kasbiy bilim va ko‘nikmalarini yanada kengaytirish, shuningdek, ixtisoslashgan professional muhitda o‘zaro hamkorlik aloqalarini mustahkamlashda muhim ahamiyat kasb etadi.

➡️Ma’lumot uchun: seminar mashg‘ulotlari 2026-yil 30-yanvar sanasiga qadar davom etadi.