“Yoshlar orasida giyohvandlik vositalariga qarshi kurashish” mavzusida profilaktik tadbir bo‘lib o‘tdi

#profilaktik_tadbir

Ma’lumki, mamlakatimizda amalga oshirilayotgan keng ko‘lamli islohotlar doirasida aholi orasida sog‘lom turmush tarzini targ‘ib qilish, ularning giyohvandlik vositalari va psixotrop moddalarga nisbatan qarshi immunitetni shakllantirish ishlarga alohida e’tibor qaratilmoqda. 

Xususan, O'zbekiston Respublikasida giyohvandlik va narkojinoyatlarga qarshi kurashish bo'yicha 2024-2025-yillarga mo'ljallangan dastur ishlab chiqilgan bo‘lib, mazkur dastur ijrosi yuzasidan joylarda tegishli soha vakillari ishtirokida turli tadbirlar tashkil qilinmoqda.

Ana shunday tadbirlardan biri, bugun, Chirchiq shahrida joylashgan O‘zbekiston davlat jismoniy tarbiya va sport universitetida Prezident Administratsiyasi huzuridagi narkotiklarni nazorat qilish milliy markaz mas'ul xodimi Bekzod Ro'zimurodov va Toshkent viloyati narkolog vrachi ishtirokida talaba-yoshlar uchun “Yoshlar orasida giyohvandlik vositalariga qarshi kurashish” mavzusida profilaktik tadbir o‘tkazildi.

Tadbir davomida mutaxassislar yoshlar orasida giyohvandlikka qarshi kurashishda profilaktik va targ'ibot ishlarini kuchaytirish, shuningdek, jinoyatchilikka qarshi kurashishda o'qituvchilar va ota-onalarning faol ishtiroki muhim ekanligini alohida qayd etdilar.