📊Serbiyalik tajribali voleybol murabbiy ishtirokida ilk dars mashg‘ulotlari bo‘lib o‘tdi

#universitet_hayotidan

🏀Bugun O‘zbekiston davlat jismoniy tarbiya va sport universitetining Voleybol, basketbol nazariyasi va uslubiyati kafedrasi professor-o‘qituvchilari hamda talabalari ishtirokida oliygohga xorijdan jalb etilgan yana bir mutaxassis, Serbiyalik tajribali voleybol murabbiyi Moro Branislav tomonidan ilk dars mashg‘ulotlari o‘tkazildi.

💻⛹🏻Mashg‘ulotlar ikki qismda: nazariy va amaliy tarzda olib borildi. Jumladan, nazariy mashg‘ulot davomida voleybol bo‘yicha yosh hakamlarning asosiy vazifa va funksiyalari, o‘yin jarayonlarini baholab borish ko‘nikmalarini oshirish to‘g‘risida qimmatli taqdimot qilingan bo‘lsa, mashg‘ulotning keyingi qismida talabalar bilan birgalikda hujum va himoya zonalarida harakatlanish tamoyillari amaliy tarzda ko‘rsatib o‘tildi.

📍O‘z navbatida, mashg‘ulot qatnashchilari tomonidan berilgan savollarga mutaxassis atroflicha javob berdi.

📌Ma’lumot o‘rnida, Moro Branislav  Xalqaro voleybol federatsiyasi (FIVB) instruktori, Belarus, Gretsiya, Quvayt, Liviya, Janubiy Koreya, Filippin, Ruminiya, Saudiya Arabistoni va Tunis davlatlaridagi yetakchi voleybol klublarida va milliy jamoalarda bosh murabbiy sifatida faoliyat yuritgan. Ayni vaqtda mutaxassis O‘zbekiston voleybol federatsiyasi rahbariyatining qarori bilan O‘zbekiston U19 terma jamoasi bosh murabbiyi sifatida mehnat faoliyatini boshladi.