🏆O‘zDJTSU va Pendidikan Sultan Idris universiteti hamkorligi yuqori bosqichga ko‘tarilmoqda

#tashrif

✅Aytish joizki, O‘zbekiston davlat jismoniy tarbiya va sport universiteti hamda Malayziyaning Pendidikan Sultan Idris universiteti o‘rtasidagi hamkorlik aloqalari tobora mustahkamlanib bormoqda.

✔️Xususan, bugun hamkorlik doirasida belgilab olingan ustuvor vazifalar ijrosi hamda universitetga xorijiy talabalarni jalb etish maqsadida Pendidikan Sultan Idris universitetining 6 nafar professor-o‘qituvchilari va 24 nafar talabalaridan iborat delegatsiya tashrif buyurdi.

📊Tashrif avvalida, delegatsiya a'zolari hamda universitet rahbariyati o'rtasida uchrashuv o'tkazilib, unda qo'shma ta'lim dasturlari va talabalar almashinuvini yo'lga qo'yish masalalari muhoka qilindi.  Shundan so'ng xorijiy universitet talabalari uchun O‘zbekiston davlat jismoniy tarbiya va sport universiteti Iqtidorli talabalarning ilmiy tadqiqot faoliyatini tashkil etish bo'limi mutaxassislari tomonidan sportda ilmiy-tadqiqotlarning olib borilishi to‘g‘risida seminar o‘tkazildi. Shuningdek, ikki universitet talabalari o‘rtasida 🏓stol tennisi bo‘yicha o‘rtoqlik o‘yini tashkil etildi.

🏢Tashrif so‘ngida esa hamkor universitet vakillari ishtirokida oliygoh bo‘ylab ekskursiya tashkil etildi.  Ekskursiya davomida mehmonlar universitetdagi mavjud sport inshootlari hamda Qishki sport turlari bo‘yicha simulyatsiya markazi faoliyati bilan yaqindan tanishdilar.