Taniqli sportchilar universitetning yuqori bosqichlariga o‘qishga qabul qilinmoqda!

#uchrashuv

Bugun, 30-noyabr kuni O‘zbekiston davlat jismoniy tarbiya va sport universitetida oliygoh rektori Rashid Matkarimov, Jismoniy tarbiya, sport nazariyasi va uslubiyati kafedrasi professori Fikrat Kerimov, erkin kurash bo‘yicha Osiyo va jahon chempioni, olimpiada o‘yinlari sovrindori, AQShning dunyoga mashhur “Harvard” universiteti murabbiyi, O‘zbekistonda xizmat ko‘rsatgan sportchi Begzod Abdurahmonov hamda erkin kurash sport turlari bo‘yicha O‘zbekiston milliy terma jamoa a’zolari Abbos Raxmonov, Sardor Xolmatovlar o‘rtasida uchrashuv bo‘lib o‘tdi.

Uchrashuv davomida universitet rektori Begzod Abdurahmonovni oliygohning doktorantura, Sardor Xolmatovni esa magistratura bosqichiga qabul qilinganliklari bilan samimiy qutlab, kelgusida erkin kurash sportini yanada rivojlantirish, mazkur yo‘nalishda ilmiy tadqiqot jarayonlarini samarali olib borish, egallagan bilim va tajribalarni amaliyotda qo‘llash borasida o‘zining zaruriy tavsiyalarini berib o‘tdi.

Shuningdek, mazkur ilmiy izlanish jarayonlarida ularga universitet professori, jismoniy tarbiya va sport nazariyasi bo‘yicha malakali ustoz Fikrat Kerimov ko‘makdosh bo‘lishini alohida qayd etdi.