Pendidikan Sultan Idris universiteti vakillarining oliygoh kafedralari bilan tanishuvi davom etmoqda

#uchrashuv

Bugun Oʻzbekiston davlat jismoniy tarbiya va sport universitetida bo‘lib turgan Malayziya Pendidikan Sultan Idris universitetining Sport fanlari va murabbiylik fakulteti dekani Jaffry Zakaria boshchiligidagi delegatsiya aʼzolari bilan universitetning Sport psixologiyasi va pedagogikasi kafedrasi mas’ullari, professor-oʻqituvchilar va talabalar oʻrtasida navbatdagi uchrashuv bo‘lib o‘tdi.

Xususan, delegatsiya a’zolari kafedra mas’ullari va professor-o‘qituvchilar bilan o‘tkazilgan uchrashuvda kafedra faoliyati bilan yaqindan tanishib, sport psixologiyasi yo‘nalishida oʻzaro tajriba almashish hamda talabalar va professor-oʻqituvchilar almashinuvi bo‘yicha istiqbolli maqsad va rejalar to‘g‘risida so‘z yuritilib, kafedra bilan Pendidikan Sultan Idris universitetining Sport hamkorlik shartnomasi imzolandi.

Shuningdek, xorijiy universitet professor-o‘qituvchilari kafedraning bitiruvchi kurs talablari ishtirokida bo‘lib o‘tayotgan dars mashg‘ulotlarini bevosita kuzatib, ular bilan suhbat olib borishdi.

Suhbat davomida sport psixologiyasida xalqaro tajribalar, jumladan, Pendidikan Sultan Idris universitetida mazkur yo‘nalishda tashkil etilgan bir qator o‘quv kurslari haqida keng ma’lumotlar berildi.