O‘zDJTSU Qozog‘istonning Aqto‘be davlat universiteti bilan hamkorlik aloqalarini mustahkamlamoqda!

2024-yil 5-noyabr kuni O'zbekiston davlat jismoniy tarbiya va sport universitetiga Qozog‘iston Respublikasining K.Jubanov nomidagi Aqto‘be davlat universiteti Kasb-hunar va ijodiy fakultet dekani Jaynagul Kartbayeva va universitetning Jismoniy tarbiya nazariyasi va uslubiyati kafedrasi mudiri  O'tagenov Nurtas Omirbay o'g'li tashrif buyurdi.

Faxriy mehmonlar universitetimizning Ilmiy tadqiqotlar, innovatsiyalar va ilmiy-pedagog kadrlar tayyorlash bo‘limi boshlig‘i Anvar Jumaniyazov hamda Qishki va murakkab texnik sport turlari nazariyasi va uslubiyati kafedrasi mudiri Sultonbek Davletmuratovlar tomonidan kutib olinib, tomonlar o‘rtasida uchrashuv o‘tkazildi.

Unda ikki universitet kafedralari o‘rtasida hamkorlik aloqalarini mustahkamlash, shuningdek, qishki sport turlari bo'yicha shug'ullanuvchi sportchilarning faoliyat jarayonlarini taqqoslash hamda rivojlantirish masalalari yuzasidan fikrlar almashinildi. 

Uchrashuvning yana bir ahamiyatli tomoni, Aqto‘be universiteti magistranti Nurkalat Kaynazarovning ilmiy salohiyatini oshirish, dissertatsiya mavzusi bo'yicha tadqiqot ishlarini S.Davletmurtov ilmiy rahbarligi ostida olib borish bo‘yicha kelishib olindi.