O‘zDJTSU xalqaro aloqalar doirasini kengaytirmoqda!

#tashrif #xalqaro_hamkorlik

Bugungi kunda O‘zbekiston davlat jismoniy tarbiya va sport universiteti sohada xalqaro aloqalar doirasini kengaytirish, o‘quv jarayoniga xalqaro ta’lim standartlariga asoslangan ilg‘or pedagogik texnologiyalar va o‘quv dasturlarini keng joriy qilish masalalariga alohida e’tibor qaratib, bu yo‘nalishda qator xorijiy oliy ta’lim muassasalari bilan hamkorlikni yo‘lga qo‘ymoqda.

Xususan, bugun O‘zbekiston davlat jismoniy tarbiya va sport universitetiga Moskva davlat sport va turizm universiteti rektori, professor Masyagina Natalya Vasilevna hamda Turizm va mehmondo‘stlik sanoati instituti direktori Ivantsov Aleksandr Aleksandrovichdan iborat delegatsiya tashrif buyurdi.

Dastlab, delegatsiya aʼzolari hamda rektor Rashid Matkarimov boshchiligidagi universitet jamoasi o‘rtasida uchrashuv bolib o‘tdi. Unda universitetlar haqida ma’lumotlar berildi.

Uchrashuv davomida jismoniy tarbiya va sport sohasida ikki tomonlama hamkorlikni yo‘lga qo‘yish, qishki sport turlarini rivojlantirish, talabalarning akademik almashinuvi va hamkorlikda ilmiy loyihalar ustida ishlash bo‘yicha fikr-mulohazalar bildirildi hamda universitetlar o‘rtasida o‘zaro hamkorlik memorandumi imzolandi. Shuningdek, universitet rektori Rashid Matkarimov tomonidan Moskva davlat sport va turizm universiteti rektori, professor Masyagina Natalya Vasilevnaga O‘zbekiston davlat jismoniy tarbiya va sport universitet faxriy professori unvoni topshirildi.

 
Yakunda tomonlar bir-biriga esdalik sovg‘alarini ulashib, faxriy mehmonlar universitet tarix muzeyi, sport inshootlari, ilmiy laboratoriya va Qishki sport turlari bo‘yicha simulyatsiya markazi faoliyati bilan yaqindan tanishdilar.