Bugun O‘zbekiston davlat jismoniy tarbiya va sport universitetida Sportni boshqarish va turizm fakulteti tashabbusi bilan “17 noyabr – Xalqaro talabalar kuni”ga bag‘ishlab “Yangi O‘zbekiston – yangi g‘alabalar sari” shiori ostida sport musobaqasi hamda madaniy-maʼrifiy tadbir tashkil etildi.
Tadbirda universitet rahbariyati, fakultet professor-o‘qituvchilari va talabalar ishtirok etishdi.
Dastavval Sportni boshqarish va turizm fakultetining talabalari o‘rtasida sportning armrestling, arqon tortish, gira ko‘tarish, shaxmat turlari bo‘yicha musobaqalar o‘tkazildi.
Shundan so‘ng universitet madaniyat saroyida bayram dasturi kuy va qo‘shiqlar bilan davom etdi. Mashhur estrada xonandalarining chiqishlari esa talabalarga ko‘tarinki va bayramona kayfiyat ulashdi.
Tadbir so‘ngida sport musobaqasi g‘olib va sovrindorlariga, fakultetning eng faol talabalari va ularing ota-onalariga faxriy yorliqlar, esdalik sovg‘alari topshirildi.
O‘zDJTSU matbuot xizmati