Universitet rektorining talabalar bilan uchrashuvi davom etmoqda…

rektor_bilan_uchrashuv

2024-yil 7-oktabr kuni Oʻzbekiston davlat jismoniy tarbiya va sport universiteti rektori Rashid Matkarimov hamda Toshkent Tibbiyot akademiyasi Chirchiq filiali direktori G‘ofurjon Sultonov hamkorligida universitetning 2-sonli talabalar turar joyida turuvchi talaba-yoshlar oʻrtasida uchrashuv boʻlib oʻtdi.

Uchrashuv avvalida, universitet rektori davlatimiz rahbari tomonidan talabalarning bilim olishi uchun yurtimizda olib borilayotgan islohotlar mohiyati haqida qisqacha maʼlumot berib, ana shunday ijobiy oʻzgarishlarga munosib javob qaytarish, sohaning yetuk mutaxassisi boʻlib yetishishi yoʻlida tinmay izlanishda boʻlish kerakligiga alohida urgʻu berdi. Oʻz navbatida talabalar turar joylaridagi ichki tartib va tozalikka qatʼiy rioya qilishlari zarurligi taʼkidlandi. Shuningdek, uchrashuv davomida oʻquv jarayonlari va mashgʻulotlar hamda TTJlarida yuzaga kelayotgan ayrim muammolar ham tinglandi.

E’tiborlisi, samimiy va do‘stona suhbatga ulanib ketgan uchrashuvda talaba-yoshlar tomonidan bildirilgan takliflar universitet rektorining diqqat markazida boʻldi.

Uchrashuv yakunida esa Toshkent Tibbiyot akademiyasi Chirchiq filiali talabalari uchun universitetdagi mavjud o‘quv auditoriyalari va sport inshootlaridan samarali foydalanishlari uchun mas'ullarga tegishli topshiriqlar berildi.