Sportchilar oilasida ingliz tilida “Zakovat” intellektual o‘yini o‘tkazildi

#ZAKOVAT #INGLIZ_TILI

2024-yil 17-may kuni O'zbekiston davlat jismoniy tarbiya va sport universitetida  O'zbek va chet tillari kafedrasi professor-o'qituvchilari Nasiba Ibragimova hamda Go‘zal Abdumalikovalar tashabbusi bilan yoshlarni xorijiy tillar, xususan ingliz tiliga bo‘lgan qiziqishlarini yanada oshirish maqsadida "The best English learner among the young scientists" nomli "Zakovat" tadbiri  o‘tkazildi.

Oliygohning mobil guruh talabalari, Toshkent tibbiyot akademiyasi Chirchiq filialining Qirg'izistonlik talabalari guruhi hamda Toshkent iqtisodiyot va pedagogika instituti talabalari bilan birgalikda tashkil etilgan ushbu bilimdonlar bellashuvini O‘zbekiston davlat jismoniy tarbiya va sport universitetining Yoshlar siyosati va ma’naviy-ma’rifiy ishlar boshqarmasi boshlig‘i J.Mamanov ochib berdi.

Tadbirda shuningdek, xorijiy eksport eronlik professor Morteza Amirsheibani, Toshkent iqtisodiyot va pedagogika instituti professor-o‘qituvchilari Shaxzod Ruzmetov va katta o'qituvchi Zebo Sobirova hamda Botir Zakirov nomidagi Milliy estrada san’ati instituti ingliz tili o‘qituvchisi G.Djangirovalar ham ishtirok etishdi.

Bellashuv davomida talabalar jamoalarga bo‘lingan holda, “musiqa”, “adabiyot”, “sport” va “mantiqiy fikrlash” shartlari bo‘yicha o‘zaro bahs olib borishdi. Murosasiz va qiziqarli jarayonlarga boy bo‘lgan o‘yin yakunida do‘stlik g‘alaba qozonib, ishtirokchilar diplom va esdalik sovg‘alari bilan taqdirlanishdi.