📚Kitob va kitobxonlik – inson ma'naviyati ko'zgusi!

#kitobxonlik

📖Ma’lumki, dunyodagi har bir davlat va millat o‘zining intellektual salohiyati hamda yuksak ma’naviyati bilan qudratli. Bunday yengilmas kuch manbai esa insoniyat tafakkurining buyuk kashfiyoti – kitob va kutubxonalardadir. Ayniqsa o‘sib kelayotgan yosh avlodni mana shunday yengilma kuch bilan to‘yintirish yanada muhim.

Shu munosabat bilan joriy yilning 24-yanvar kuni universitet Madaniyat saroyida oliygohning Axborot-resurs markazi hamda Milliy kurash nazariyasi va uslubiyati kafedrasi hamkorligida talabalar uchun “Kitobsevar millat” umummilliy g‘oyasini ro‘yobga chiqarish, yoshlar o‘rtasida kitobxonlik madaniyatini oshirish va ularni kitobxonlikka keng jalb qilishga qaratilgan kitobxonlik tadbiri bo‘lib o‘tdi.

Tadbir davomida kurashchi talabalarga eng sara badiiy asarlarning targ‘iboti, shuningdek Milliy kurash nazariyasi va uslubiyati kafedrasi o‘qituvchisi Feruz Bobomurodovning “Kurash nazariyasi va uslubiyati” o‘quv qo‘llanmasi taqdimoti o‘tkazildi. 

Qizg‘in bahs va muhokamalarga boy tarzda o‘tgan tadbir so‘ngida eng faol talaba-yoshlarga esdalik sovg‘alari taqdim etildi.