#universitet_hayotidan
Shu kunlarda O‘zbekiston davlat jismoniy tarbiya va sport universitetida oliygoh rektori, prorektorlar, bo‘lim rahbarlari va professor-o‘qituvchilar ishtirokida tegishli kafedralar taqdimotlari bo‘lib o‘tmoqda.
Xususan, 2024-yil 26-fevral kuni universitetning Gandbol, regbi, chim ustida xokkey, Suv sporti, eshkak eshish turlari, Yengil atletika, biatlon, Futbol nazariyasi va uslubiyati shuningdek, O‘zbek va chet tillari kafedralarining 2023-yil II yarim yilligida bajarilgan ishlar hisoboti hamda 2024 yilda amalga oshirilishi belgilangan ustuvor vazifalarning taqdimoti o‘tkazildi.
Taqdimot jarayonlari tanqidiy ruhda o‘tkazilib, universitet rektori Rashid Matkarimov tomonidan ma'sullarga ta'lim sifatini oshirish, talabalar orasida ijtimoiy-ma'naviy muhit barqarorligini ta'minlash shu bilan birga, universitetda korrupsiyaga qarshi kurash va unga qarshi murosasizlik muhitini shakllantirish kabi muhim masalalar yuzasidan tegishli ko‘rsatmalar berildi.
Ma’lumot o‘rnida, kafedralar taqdimoti joriy yilning 4 mart kuniga qadar davom etadi.