Iqtidorli talabalarning ilmiy-amaliy anjumani bo‘lib o‘tdi

#talabalar_anjumani

Joriy yilning 24-fevral kuni O‘zbekiston davlat jismoniy tarbiya va sport universitetida 2024-yil – Yoshlar va biznesni qo‘llab-quvvatlash yiliga bag‘ishlab, Suv sporti, eshkak eshish turlari nazariyasi va uslubiyati kafedrasi iqtidorli talabalarining ilmiy-amaliy anajumani bo‘lib o‘tdi.

Unda kafedra va Iqtidorli talabalar bilan ishlash bo‘limi mas’ullari, professor-o‘qituvchilar hamda murabbiylar ishtirok etishdi.

Anjuman avvalida kafedra mudiri X.Matnazarov ikki nafar nomdor stipendiya sohiblarini tabriklab, ularga esdalik sovg‘alarini topshirdi. Shundan so‘ng bir guruh talaba-yoshlar tomonidan yosh suv polochilarning texnik tayyorgarligini aniqlash, 2023-yil davomida suv sporti turlaridan o‘tkazilgan musobaqalar natijalarining tahlili singari dolzarb mavzularda taqdimotlar qilindi.

Anjuman so‘ngida esa savol-javoblar o‘tkazilib, eng yaxshi taqdimot egalari Universitet bosqichiga tavsiya etildi.